धनगढी, वैशाख १०
लायन्स क्लब धनगढी हेल्थ एण्ड मेडिको कैलालीको अध्यक्षमा तिर्थ पन्त चयन भएका छन् । लायन्स बर्ष २०२०÷२०२१ को लागि धनगढीका युवा व्यवसायी पन्त अध्यक्षमा छानिएका हुन् । लायन्स क्लब धनगढी हेल्थ एण्ड मेडिको कैलालीको धनगढीकोमा भएको एक कार्यक्रमबा बीच पन्तलाई अध्यक्षमा चयन गरिएको हो । एक बर्षे कार्यकालमा लायन्स क्लब धनगढी हेल्थ एण्ड मेडिको कैलालीलाई नयाँ उचाईमा पुराउँदै सामाजिक कार्यहरु गर्ने नवनिर्वाचित अध्यक्ष पन्तले बताए । पन्त सुदुरपश्चिममा अत्याधुनिक र सुविधायुक्त स्वास्थ्य सेवा प्रदान गर्दै आएको निसर्ग हस्पिटलका अध्यक्ष समेत रहेका छन् । त्यसैगरी दुरसञ्चार र हार्डवेयर क्षेत्रको व्यवसायमा पनि उनको लामो समयदेखि संग्लनता रहदै आएको छ । त्यस्तै लायन्स क्लब धनगढी हेल्थ एण्ड मेडिको कैलालीको वरिष्ठ उपाध्यक्षमा भिष्मराज ओझा अब्बु, सचिवमा युवराज जोशी र कोषाध्यक्षमा शुभाष भण्डारी छानिएका छन् ।