संवाददाता : नरेश राना
लालझाडी , २४ चैत २०७६ ।
कञ्चनपुरमे कोराना ( कोभिट १९ ) से सुरक्षाके ताँही कञ्चनपुर , लालझाडी गाउ पालिका वडा नं.४ स्थित जाई ग्रमिण विद्युत सहकारी संस्था औ कञ्चन सा.वन उपभोक्ता समुहसे सुम्मारके रोज अपन सहकारी संस्था लि लालझाडी ४ डाङ्गा जाईमे बैठनबाले सेयर सदस्य औ उपभोक्तातनके मास्क तथा साबुन वितरण करीहए बोमे २१०० मास्क , ५७६ सावुन रहए । कञ्चन सा.बन औ विद्युुत सहकारी संस्थाके पदाधिकारी मिलके अपन सा.वन औ विद्युत सहकारी संस्थाके क्षेत्र भित्र बैठनबालेनके बाँटोगओ हए कञ्चन सा.वनके अध्यक्ष जगन्नाथ राना बताइ हएँ । संस्थाके पदाधिकारी घरघरमे जाइके सबय बुढेसे लैके बच्चातकके मास्क बाँटीहए । औ संस्था तथा समुदायक वन दुनुके सहकार्यमे अपनी संस्थाक लगानीमे सदस्यनके मास्क औ साबुन बाँटी हएँ कहिके लालझाडि ४ के वडा सदस्य गर्भु राना जानकारी दइहएँ ।