धनगढी , २ चैत

सम्बाददाता : नरेश राना
अनमोल समुदायिक विउ बैङ्क सहकारी संस्था लि लालझाडि ३ बल्मी के अयोजनमे प्रर्दशनी भओ ।

कार्यक्रमके मुख्य पहुना लालझाडि गा.पा.के अध्यक्ष मदनसेन बडयक रहएँ । अवलोकन कार्यक्रममे अध्यक्ष बडायक कहि अनमोल सहकारी संस्थाके १ विघा जमिन खरिद करके फिर सम्पुर्ण नयाँ विऊ बिजन तयार करन जा मे सहयोग गा.पा.से कम्तीमे २० लाख बराबरको रकम हम छुट्याइदहए बताइ । औ हमर ज अनमोल कृषि सहकारीसे उन्नत जातको विऊ उत्पादन करके हमर लालझाडि गा.पा. भितर वितरण करहए कहिके फिर सबय जन्तनके बताइ अध्यक्ष बडयक ।

कार्यक्रमके विश्ष्टि पहुना लालझाडि गा.पा. ३ के वडा अध्यक्ष टिकाराम चौधरी रहएँ । ऐसीकरके अतिथीमे लिवर्ड संस्थाके प्रमुख डा. सन्तोष श्रेष्ठ रहो कार्यक्रममे १२ मेलकी गेहुक जातके बारेम अनुगमन करिरहएँ ।

बो मइसे ३ ठाँवमे स्थानिय विऊ प्रणाली सुधार कार्यक्रमके अवलोकन करिहए । बल्मी कृषक पाठशाला , डुङ्गा कृषक पाठशाला औ नन्दगाँउ कृषक समुहमे लिवर्ड संस्थाके प्रतिनिधी लालझाडि गा .पा.के अध्यक्ष , लालझाडि गा.पा. शाखा लगायत लालझाडि २ औ ३ वडाके सबय किसान मिलके गहुके अबलोकन करीरहएँ । कार्यक्रम लिवर्ड संस्थाकी सहजकार्ता संचालन करिरहए ।