नरेश राना/कञ्चनपुर l कञ्चनपुरको लालझाडी गाउँपालिका वार्ड नं ३ बल्मी मा रहेको दोदा साना किसान सहकारी संस्थाको ७औं वार्षिक साधारण सभा सम्पन्न भएको छ।संस्था की अध्यक्ष गोमती राना को सभा अध्यक्ष मा सम्पन्न भएको थियो।

साधारण सभामा प्रमुख अतिथि लालझाडी गाउँपालिका का अध्यक्ष निर्मल राना रहनु भएको थियो भने विशिष्ट अतिथि रैकवार साना किसान सहकारी संस्था का अध्यक्ष जय सिंह विष्ट,कालिका साना किसान सहकारी संस्था लिमिटेड की अध्यक्ष मिना विष्ट,साना किसान लघुवित्त वित्तीय संस्था इलाका कार्यलय अत्तरिया का अधिकृत कृष्ण गोविन्द ढुंगेल, लालझाडी गाउँपालिका वार्ड नं ३का वार्ड अध्यक्ष टीकाराम डगौरा रहनु भएको थियो भने अतिथि मा निर्वाचित जनप्रतिनिधि शेयर सदस्य समाजसेवी बुद्धिजीवी हरुको उपस्थिति रहेको थियो।

स्वागत मन्तब्य संस्था की उपाध्यक्ष गंगा देवी खत्री ले गर्नु भएको थियो।साधारण सभामा आय व्यय संस्था कि अध्यक्ष गोमती राना ले प्रस्तुत गर्नु भएको थियो।सभामा आ. व.२०७९/८० मा टोटल आम्दानी ९४ लाख ५५ हजार को कारोबार भएको थियो भने सो कारोबार गरे बाफत २५ लाख ३० हजार ६ सय ९८ रुपैयाँ खुद नाफा भएको थियो।

प्रमुख अतिथि ले यो संस्था को लागि पालिका बाट के सहयोग गर्नु पर्ने छ सो सहयोग गर्न लाई अध्यक्ष तयार रहेको बताउनु भएको थियो।कार्यक्रम लाई संस्थाका प्रबंधक गणेश राना ले सञ्चालन गर्नु भएको थियो।