धनगढी , १८ फागुन २०७६

संघिय सांसद माननिय नारदमुनि राना सम्माननिय राष्ट्रपति समक्ष रानाथारु समुदायके बारेमे जानकारी कराइ । मननिय राना कहि रानाथारु समुदायके नेपाल सरकारकी मन्त्रिपरिषको माघ २० गतेक बैठकसे माघ २३ गते आदिबासि जनजातीमे सुचिकृत करनसे समग्र रानााथारु समुदाय हर्षबिभोर भएहए सम्माननिय राष्ट्रपतिके जानकारी कराइ । सिंगो रानाथारु बहुत खुशि औ खुशिसे गाउ गाउमे दिपप्रज्वलनसे लैके बिभिन्न कार्यकार्यक्रमको आयोजना करके नेपाल सरकार लगायत सहयोगी सबयनके स्वागत, बधाइ औ धन्यवाद दैइहए जानकारी कराइ माननिय राना । औ सम्माननिय राष्ट्रपति समक्ष रानाथारु समुदाय हरेक क्षेत्रमे पचछु पडो हए शिक्षा , रोजगार , व्यापार , राजनिती , पुलिसप्रशान लगायत नोकरीमे रानाथारु सुविधासे बन्चित हए कहि औ कहि कि अभय तक कैलाली कंचनपुर जिल्लामे इकल्लो बैठत आएरहे रानाथारुको कुल जनसंख्या ३ लाख ५० हजार मध्य १ जनी अफनी लगानीमे डक्डार , १ जनी इनजीनीयर हए सरकारको उच्चओहदामे कोइ रानाथारु समुदायको नाहए कहेसे अन्य जाति समुदायसे बहुत पच्छु हए जानकारी कराइ राना । समग्र रानाथारु समुदायके अग्गु बढान ता“हि नेपाल सरकार रानाथारु प्रतिस्ठान बनासे होबैगो या रानाथारु आयोग गठन करन्से होबैगो सरकार व्यवस्था करनपडौ कहिके सम्माननिय राष्ट्रपति समक्ष बातधरी हाए माननिय राना ।
नेपाल रानाथारु समाजके केन्द्रिय अध्यक्ष कृपाराम राना सम्माननिय राष्ट्रपति समक्ष कहि रानाथारु जाति समुदाय हासीखुशीसे तिजतिउहार मनान पाबय कहिके होरीको अन्तिम दिन खक्डेहराके एक दिन सर्वजनिक विदाको व्यवस्था करनके माग करीहए । औ आनबालो जनगणनामे रानाथारुको अलग्य गणना होबय कहिके माग फिर करिहएँ ।
सम्माननिय राष्ट्रपतिके सम्मानमे नेपाल रानाथारु समाज केन्द्रिय कार्यसमितीके अगुवाइमे फुलबानसे सजो डलबा मायाको चिन्हा भेटदइ हए ।

सम्माननिय राष्ट्रपति भेटघाट कार्यक्रममे माननिय नारदमुनि राना , रानाथारु समाजके केन्द्रिय समितीेके अध्यक्ष कृपाराम राना , उपाध्यक्ष ओमप्रकाश राना , महासचिब भक्तराज राना, कोषाध्यक्ष कन्दकला राना , सचिब चन्द्रकिरण राना , द्रोपति राना , सदस्य कृष्ण राना, भगीरथ राना ,रामबेटी राना ,गर्भ राना ,रामसय राना , शिवनारायण राना , रानाथारु डटकमके अध्यक्ष नन्दलाल राना , बेलौरी नगरपालिकाके वडा नं. ८ के वडा अध्यक्ष नन्दकुमार राना , राजकुमार राना , भजन सि राना , प्रकास बडायक , शिवराज राना , शिवचरण राना , सहेनद्र राना , पदम राना , अमर सि राना ,कौशिल्य राना , राजमति राना ,सुमन राना ,सुलोचना राना , सरिता राना ,सावित्रि राना ,नरेश राना लगायत कि उपस्थिती रहए ।

जहु पढियो

होरी मिलन कार्यक्रम २०७६

रानाथारुको बडो तिउहार होरी बिशेष तिउहारके रुपमे मानत आएहए । होरी २०७६को शुभअबसरमे सबय दादाभइया दिदीबहिनियाँ देशबिदेशमे बैठनबाले सबयनके हार्दिक मंगलमय शुभकामना सहित आए रहो फागुन २७ गते होरी तिउहार औ चैत ४ गते खक्डेहरा तिउहार रानाथारु समुदाय सबय हर्षउल्लासके संग होरी मनान नेपाल रानाथारु समाज केन्द्रिय कार्यसमिती सबके अनुरोध करिहए ।
नेपाल रानाथारु समाज केन्द्रिय कार्यसमिती निर्णय अनुसार जहे फागुन ३0 गते बेलौरी नगर पालिकामे होरी मिलन २०७६ बेलौरी नगर पालिका औ नेराथासके संयुक्त आयोजनामो होबैगो बताइहए अध्यक्ष कृपाराम राना । होरीमिला कार्यक्रममे सबय स्थानिय कमिटी झाकि सहित अनिबर्य उपस्थितीके ताहि अनुरोध फिर करिहए ।