रानाथारू भाषाको पहिलो वेवसाइट
रानाथारू भाषाको पहिलो वेवसाइट
धनगढी, १६ फागुन २०७६।
राना कला एवं संस्कृति संरक्षण समाज बेला द्वारा अायाेजित हाेमस्टे मेला २०७६ काे दाेस्राे दिनके प्रमुख पहुना सुदुरपश्चिम प्रदेश माननिय डिल्लराज पन्त रहएँ । कार्यक्रमके सम्बाेधन करत कहि व्यापारसे लैके नाेकरीतकमे हरेक क्षेत्रमे रानाथारूकाे उपस्थिति बहुत न्युन हए हिनाके अादीबासी रानाथारूकाे अावस्था देखके दुःख लागत हए बताइ ।
बहुत संघर्ष पच्छु रानाथारू जाती अादिबासीमे सुचिकृत भअाे हए मय सबय दादाभइयनके हार्दिक शुभकामना दइहएँ माननिय पन्त । कैलाली र कञ्चनपुर जिल्लामे इकल्लाे बैठत हए इनकाे अपनाे संस्कार , संस्कृति , भाषाभेष हए जाके संरक्षण संबध्दन करन राज्यकाे दाइत्व हए बाताइ अभयके नयाँ पुस्तामे पश्चिमा संस्कृतिकाे प्रभावसे हमर पुरानाे संस्कृति लाेपहुइ सकत हए जा के बचान सबके एकहुइके लागनके सल्लह दइरहए माननिय पन्त ।
कार्यक्रमके बिश्ष्टि पहुना धनगढी उपमहानगर पालिका १७ के वडा अध्यक्ष माधव राज राना कार्यक्रमकाे शुभकामना दइरहएँ । कार्यक्रममे सबयकाे सहयाेग हाेन बहुत जरूरी हए फुटके नाय कि एकजुटहुइके अगगुबढन हए बताइ ।
मेलाकाे दाेस्राे दिन स्थानिय कलाकारकाे बेजाेड प्रस्तुति रहि , खटिमा भारत कालाकार बन्टी राना उनकि टिमकि प्रस्तुति बहुत अच्छि रही । साइरीमे रामदास राना अाै श्रीसा रानाके बिच भइ लडाइ कि प्रस्तुती , स्थानिय कलाकारनकाे अाै बहुत गावकि हाेरीकाे प्रस्तुती भइरहए ।
कल मेलाकाे अन्तिम दिन सबय जनि अानके मत भुलियाे कहिके अायाेजक सबयसे अनुराेध करिहए ।
