तेस्राे संस्करणकाे बेलाकाे हाेमस्टे मेला

तेस्राे संस्करणकाे  बेलाकाे हाेमस्टे मेला

धनगढी , १४ फागुन २०७६।

हमरी संस्कृति हमराे शान , घर घरसे लागए जाके बचान

तेस्रो संस्करणको बेलाको होमस्टे मेला कि तयारीपुरी हुइगइ हए । होलीके अबसरमे बिगत दुइ बर्षसे आयोजना होत आएरहो बेलाको होपस्टे मेला जा साल फिरहुके होन जाएरहो हए ।

मेलाको समुदघाटन संघिय सांसद माननिय नारमुनि राना करंगे बताइहए आयोजक । होमस्टे मेला फागुन १५,१६औ १७ गते तक तिन दिन चलैगो फिर जानकारी दइहए ।

जा सालको होमस्टे मेलाको खास बिशेषता होमस्टेको व्यवस्था , रानाथारू सांस्कृति झाँकि होरी , झिँझीँ , हन्ना , सोङ , रागनी , थारूवा नाँच , किर्तन , ढोलकी गित , सामनको डोला , परम्परागत घरको प्रदर्शनी , रानाथारूक कलासस्कृतिसे जुडि बहुत मेलकि समानकि प्रदर्शनि , रानाथारू स्थानिय खानु औ राष्ट्रिय औ स्थानिय कलाकारनको बेजोड प्रस्तुती होबैगी बताइ हए ।

पडोडी देश भारत उतराखण्डसे कलाकार बन्टीराना कि टिम होमस्टे मेलामे आइरहि हए बताइ हएँ । मेला धरनको खास उद्देश्य रानाथारूनकि भाषासंस्कृतिके संरक्षाण अ‍ै सम्बद्धन करन हए बताइ संस्थाके अध्यक्ष महाबिर राना अाै बे हाेमस्टे मेलाकाे अबलाेकन करन सबयसे अनुराेध करिहएँ ।

mahabir rana
सेयर कर दियो ।