चुनाबतामे करो बादा मैसे पहिलो रानाथारुको सुचिकृत दुसरो धनगढी एरपोर्टको स्तरउन्नती , तेस्रो प्रदेश स्तरिय आइ सि टी स्मार्ट विद्यालय औ चाैथाे प्रादेशी अस्पातल ३०० सैयाको बनानके पहल , माननिय नारमुनि राना

चुनाबतामे करो बादा मैसे पहिलो रानाथारुको सुचिकृत दुसरो धनगढी एरपोर्टको स्तरउन्नती , तेस्रो प्रदेश स्तरिय आइ सि टी स्मार्ट विद्यालय औ चाैथाे प्रादेशी अस्पातल ३०० सैयाको बनानके पहल , माननिय नारमुनि राना

धनगढी , ३ फागुन २०७६ ।

नेपाल रानाथारु समाज केन्द्रिय कार्यसमिती कैलाली÷ कञ्चपुरको आयोजनामे स्वागत, बधाई एबम् धन्यवाद कार्यक्रम २०७६ भव्यताके साथ निभटो ।
सनिचरके रोज भव कार्यक्रमके प्रमुख पहुना माननिय नारदमुनि राना रहएँ । माननिय कि पहलमे चुनाबतामे करो बादा मैसे पहिलो एजेन्डा रानाथारुको अलगय जाति सुचिमे सुचिकृत करन दुसरो धनगढी एरपोर्टको अन्तराष्ट्रिय बिमान स्थलको डिपिआर तयार करनको काम , तेस्रो प्रादेशी अस्पातलके १५० सैयासे ३०० सैयाक बनानके , औ चौथो १६ करोडको प्रदेश स्तरिय आइ सि टी स्मार्ट विद्यालय निमार्णको काम फुलबारी कि चन्द्रोदय मा.विमे शुरु हुइरहो हए बताइ माननिय राना ।

badhai-5

औ क्रमशः चुनाबके बेला करोबाचाके पुरोकरत जानके प्रतिबद्घता फिर करिहए माननिय राना । औ बे जहु कहि घरको मुलि औ अभिभावकल केबल बहे होत हए जो समयमे साथ औ सहयोग करत हए सोहि व्यक्ति अभिभावक कहेलात हए माननिय राना कहि । जा अर्थमे समानयि प्रधानमन्त्रि केपि शार्मा ओली हमर घरमुली औ अभिभावक हए कहिके बताइ माननिय औ बे जहु कहि २०७६ साल कहेक हम रानाथारु समुदायक ताँहि खुशिको बर्ष हए , जहे बर्ष रानाथारु भाषाके भाषा आयोगमे सुचिकृत होनो औ माघ २० गते बैठी मन्त्रिपरिषदकी बैठकसे माघ २३ गते रानाथारु समुदायके आदिबासी जनजातीमे सुचिकृतको निर्णयसे समग्र रानाथरु समुदाय नेपाल सरकारको उक्त निर्णयके उच्च सम्मानके साथ हार्दिक स्वागत तथ बधाइ व्यक्त करि माननिय राना ।

badhai-6


बिशिष्ट पहुना विधान तथा अन्तरिम मामिला सभापति सुदुरपश्मि प्रदेश संसद नेपालु चौधरी कहि प्रदेश सभामे मएँ रानाथारु सुचिकृतके ताँहि पहल करत आओ रहौँ औ अब बननबालो प्रदेश ऐनकानुनमे रानाथारुक आरक्षणके ताँहि अवाज उठान प्रतिबद्घाता सहित शुभकामना व्यक्त करिरहएँ ।

badhai-2


बिश्ष्टि पहुना संविधान सभा सदस्य प्यारेलाल राना ले अब रानाथारुनके संघ , प्रदेश औ स्थानिय तहमे आरक्षणके ताँहि पहल करन सबय आनुरोध करतय सबयके बधाइ तथा शुभकामना दइरहएँ ।
बिश्ष्टि पहुना सुदुर पश्मि प्रदेशसभा सदस्य मालामति राना कहि पहिलो माग पुरो भाओ हए औ जहे डगरसे अब हमके अपन अधिकारके ताँहि प्रवेश करन हए बताइ औ रानाथारु एकता बद्घएकजुट हुइके लागन पडैगो बताइ औ नेपाल सरकारके बधाइ धन्यबाद दइहएँ ।
बिश्ष्टि पहुना सुदुर पश्मि प्रदेशसभा सदस्य श्यामलाल राना रानाथारु भाकाको गित गाइके शुभकामना तथा बधाइ दइरहएँ ।

IMG_0891


ऐसी करके कृष्ण्पुर नगर पालिका कि उप प्रमुख रामिता राना , नेपाल रानाथारु समाजके पुर्व केन्द्रिय अध्यक्ष जिवन राना , गोविन्द राज राना , धनगढी उप महानगर पालिका वडा नं. ७ के वडा अध्यक्ष सिताराम राना , बेलौरी नगर पालिका वडा नं. ८ के वडा अध्यक्ष नन्दकुमार राना शुभकामना मन्तव्य दइरहएँ ।

badhai-3


ऐसिकरके कार्यक्रम सफलताको शुभकमना देनबारे नेकपा केन्द्रिय सदस्य तथा पुर्व संसद महेश्वर पाठक , नेकमा पाटिप्रतिनिधी रणबहादुर चन्द , थारुकल्यणकरणी सभा कैलालीके सभापति लाहुराम चौधरी, आदीबासी जनजाती महासंघ प्रदेश अध्यक्ष दलबहादुर धरतीमगर रहएँ कहेसे कार्यक्रम संस्थाके अध्यक्ष कृपा राम रानाके सभापतित्वमे भओ रहए स्वागत मनतव्य उपाध्यक्ष कमल सिंह राना करि कहेसे संचालन महासचिब भक्तराज राना करिरहएँ । कार्यक्रममे तमान गाँव कि झँकि होरी नाँच , झिँझीँ नाच , हन्ना नाँच कि प्रस्तुती दिखाइके स्वागत करिरहएँ ।

badhai-1

विज्ञापन