सम्पुर्ण जनमानसमा रानाथारु डटकमको तर्फबाट विजय दशमी तथा शुभ दिपावलीको हार्दिक मंगलमय शुभकामना ।

सुदूपश्चिममा पहिलो पटक धनगढीमा ट्राफिक प्रहरी पोष्ट भवनको निर्माण गरिदैं प्रहरी पोष्ट भवनको प्रदेश सांसद र ट्राफिक प्रदेश प्रमुखद्धारा शिलान्यास

सुदूपश्चिममा पहिलो पटक धनगढीमा ट्राफिक प्रहरी पोष्ट भवनको निर्माण गरिदैं प्रहरी पोष्ट भवनको प्रदेश सांसद र ट्राफिक प्रदेश प्रमुखद्धारा शिलान्यास

धनगढी – धनगढी उपमहानगरपालिका १९ को फुलबारीमा ट्राफिक प्रहरी भवनको शिलान्यास गरिएको छ । बुधबार एक कार्यक्रमका बिच प्रदेश सांसद नेपालु चौधरी र सुदूरपश्चिम ट्राफिक प्रदेश कार्यालय अत्तरियाका प्रमुख लोकेन्द्र श्रेष्ठले भवनको शिलान्यास गरेका हुन । प्रदेश ट्राफिक प्रहरीको समन्वय र वडा कार्यालयको पहलमा निर्माण गरिन लागेको भवनको शिलान्यास गर्दै सांसद चौधरीले सडकको बिस्तार र सवारी चाप बढे संगै फुलबारीमा सवारी दुर्घटना बढ्दै गएकाले यसको न्युनिकरणका लागि ट्राफिक प्रहरी पोष्ट आवश्यक भएको बताए । उनले ट्राफिक प्रहरी पोष्ट निर्माणका लागि आफूले सक्दो सहयोग गर्ने प्रतिबद्धता व्यक्त गरे ।
सुदूरपश्चिम ट्राफिक प्रदेश कार्यालय अत्तरियाका प्रमुख श्रेष्ठले समुदायी प्रहरी साझेदारीमा नेपालमै पहिलो पटक नमुनाका रुपमा ट्राफिक प्रहरी पोष्ट निर्माण गर्न लागिएको बताए । ‘यो एक नमुना हो । यस क्षेत्रमा ट्राफिक प्रहरीको आवश्यकता छ भन्ने आवश्यकता महशुस गरेर २ महिना पहिले २ जना ट्राफिक प्रहरी परिचालन गरेका थियौ । ’ प्रमुख श्रेष्ठले भने – ‘अहिले वडा कार्यालयको पहलमा स्थानिय आफै सक्रिय भएर भवन नै निर्माण गर्ने कार्य सक्रिय हुनु सबैका लागि नमुना हो ।’ उनले ट्राफिक पोष्ट स्थापना गर्दैमा सबै दुर्घटना न्युनिकरण नहुने भएकाले सबैले दुर्घटना न्युनिकरणका लागि सचेत हुन पनि त्यतिकै आवश्यक रहेको बताए ।


कार्यक्रममा वडा नम्बर १९ का वडा अध्यक्ष तिलुराम चौधरीले लामो समय देखि ट्राफिक चेक पोष्ट राख्नका लागि पहल गरिरहेको भएपनि अहिले सफल भएको बताए । उनले फुलबारी क्षेत्रमा बढ्दै गएका दुर्घटना