धनगढीकाे खुलामञ्चमा फागुन ३ गते भव्य स्वागत तथा बधाइ कार्यक्रम हुने ,नेराथास

धनगढीकाे खुलामञ्चमा फागुन ३ गते भव्य स्वागत तथा बधाइ कार्यक्रम हुने ,नेराथास

कैलाली क्षेत्र नं. ५ के सांसद माननिय नारदमुनी रानाको बिशेष पहलमे माघ २० गते बैठी मन्त्रिपरिषदकी बैठकसे माघ २३ गते रानाथारु समुदायके आदिबासी जनजातीमे सुचिकृतको निर्णयसे समग्र रानाथरु समुदाय उच्च सम्मानके साथ हार्दिक स्वागत तथ बधाइ कार्यक्रमके ताँहि नेपाल रानाथारु समाज केन्द्रिय कार्यसमि बिशेष प्रस्ताब पास करीहए । सदियौसे नेपालमे बैठनबाले रानाथारु अभय तक राज्यमे अपन पहिचान नारहए , पहिचानके ताँहि दूई दशकसे आदिबासी जनजातीमे सुचिकृत करबान ताँहि अन्दोलित रहए र बहे अन्दोलको प्रतिफल स्वरुप नेपाल सरकाको मन्त्रिपरिषदसे रानाथारुके अलगय जातिय सुचिमे सुचिकृत करिहए । सरकारको निर्णयके स्वागतमे “भव्य स्वागत तथ बधाइ कार्यक्रम” धनगढीको खुलामञ्चमे फागुन ३ गते कार्यक्रमको आयोजना करनकी जानकारी दइहए नेपालरानाथारु समाजके केन्द्रिय अध्यक्ष कृपाराम राना । बैठकसे माघ २३ गते रानाथारु पहिचान दिवसके रुपमे प्रत्येक बर्ष मनाओ जबैगो प्रताब पास भओ बताइ केन्द्रिय महासचिब भक्तराज राना । नेपाल रानाथारु समज केन्द्रिय कार्यसमिती कार्यक्रममे सबय दादाभइया दिदीबहिनियाँनके उपस्थितीके ताँहि अनुरोध फिर करि हए।

कृष्ण राना सब परिवार सहित

कार्यक्रम सहयाेगार्थ अमेरिकासे शुभकामना सहित १०० डलरको सहयोग । गोदाबरी नगर पालिका वडा नं. गेटी गाँवमे बैठनबालो कृष्ण राना हाल अभय अमेरिकाको केन्टक्किको लेक्स्टिनकनमे परिबार सहित बैठत आएरहे हएँ ।समाजप्रति लगाव , कर्मठ , मेहेनती , इमान्दार , मिलनसार ब्यक्तित्व आदरणीय कृष्ण राना , रानाथारु सुचिकरणसे खुशि औ उत्साहसे फाल्गुन ३ गते धनगढीमे होनजायरहो स्वागत तथा बधाइ एवम् धन्यवाद कार्यक्रमके सहयोग स्वरुप रु १०० अमेरिकि डलर अर्थात करिब नगद ने रु ११,४०० । नेपाल रानाथारु समाज केन्द्रिय कमितीके सहयोगर्थ पठाइ हएँ ।

विज्ञापन