धनगढी बिमानस्थलके स्तरउन्तिमे जाेडताेडसे लगे, मन्त्रि भटराइ

धनगढी बिमानस्थलके स्तरउन्तिमे जाेडताेडसे लगे, मन्त्रि भटराइ

धनगढी,२५ माघ २०७६।

धनगढी संस्कृती पर्यटन तथा नागरिक उड्यन मन्त्री योगेश भट्टराई धनगढी विमानस्थलके स्तरउन्नतीके संगसंगय मझगाउँ औ टीकापुरके फिर सञ्चालनमे लामंगे कहिके प्रतिवद्धता व्यक्त करीरहएँ । धनगढीमे आयोजना भओ प्रस्तुतीकरण कार्यक्रमममे धनगढी विमनास्थलकि गुरु योजनाके बारेम जानकारी देत मन्त्री भट्टराई कहि बन्द अवस्थामे भए विमानस्थलके सञ्चालनमे फिर सरकार प्रतिवद्ध हए बताइ ।
भट्टराई धनगढी विमानस्थलकी स्तरोन्नतीके ताँहि मन्त्रालयसे २० वर्षे गुरु योजना बनाइहए बताइ हएँ । धनगढी विमानस्थल सुदूरपश्चिमकी आर्थिक एवंम पर्यटकीय विकाससंग जुडोहए तहिकमारे जक स्तर उन्नतीके ताँही काम कररहेहएरँ उनकी कहाइ रहए ।
विमानस्थल स्तरोन्नतीके ताँही आवश्यक पडो जग्गा अधिग्रहण लगायत प्रक्रियाके बारेम हल्दी कदम चलंगे मन्त्री भट्टराई जानकारी दइहए । ऐसी करके बहुत पहिलेसे बन्द अवस्थामे रहो कञ्चनपुरको मझगाउँ औ कैलालीक टीकापुर विमानस्थलके फिरसे सञ्चालनमे लानको फिर पहल हुइरहो हए मन्त्री भट्टराईको बताइ ।
बे दुनो विमानस्थलके फिरसे सञ्चालन करनमे जोडदेमंगो कहिके विश्वासन दिलाइहए । मझगाउँ औ टीकापुरमे स्थानीय तह फिर बजेटमे साझेदारी करनकि बातसे मय बहुत खशि हौँ बताइ मन्त्रि।

सरकारकाे निर्णयके स्वागतमे रानाथरु समुदाय

बहे कार्यक्रममे माघ २० गते बैठी मन्त्रिपरिषदकी बैठकसे माघ २३ गते रानाथारु समुदायके आदिबासी जनजातीमे सुचिकृतको निर्णयसे समग्र रानाथरु समुदाय उच्च सम्मानके साथ हार्दिक स्वागत करत हए औ संस्कृती पर्यटन तथा नागरिक उड्यन मन्त्री मार्फत सरकाके बहुत धन्यवाद देतहए कहिके नेपाल रानाथारु समाजके केन्द्रिय अध्यक्ष कृपाराम राना बताइ ।
मन्त्रिके स्वागत सम्मानमे संघिय सांसद माननिय नारदमुनी रानाके पहलमे नेपाल रानाथारु समाजकेन्द्रिय पदअधिकारको उपस्थित रहए ।सम्मान ग्रहण करत मन्त्रि भटराइ कहि बहुत पहिलेसे जातिउत्पिडनमे पडो जातिके आदिबासी जनजातीमे सुचिकृत भओहए बताइ औ सबय रानाथारुनके बधाइ फिर दइरहएँ मन्त्रि ज्यु ।

विज्ञापन