सम्पुर्ण जनमानसमा रानाथारु डटकमको तर्फबाट विजय दशमी तथा शुभ दिपावलीको हार्दिक मंगलमय शुभकामना ।

धनगढीका १८ विद्यालयमा स्वास्थ्य तथा नसिङ्ग सेवा कार्यक्रम सुरु

धनगढीका १८ विद्यालयमा स्वास्थ्य तथा नसिङ्ग सेवा कार्यक्रम सुरु

धनगढी, २२ माघ
धनगढी उप–महानगरपालिकाका १८ वटा सामुदायीक विद्यालयमा स्वास्थ्य तथा नसिङ्ग सेवा कार्यक्रम सुरु हुने भएको छ ।
बुधवार नेपाल सरकार स्वास्थ्य सेवा बिभाग सामाजिक शुरक्षा माहाशाखा, धनगढी उप–महानगरपालिका र सम्वन्धीत विद्यालय बिच स्वास्थ्य तथा नसिङ्ग सेवा कार्यक्रम संचालनका लागि सम्झौता भएको छ । विद्यालय स्वास्थ्य समन्वय समितिका संयोजक सुशीला मिश्र भट्टले स्वास्थ्य तथा नसिङ्ग सेवा कार्यक्रम अन्तरगत विद्यालयमा स्टाफनर्स भर्ना गरिने छ । स्टाफनर्सले विद्यालयमा प्रजनन् स्वास्थ्य तथा सरसफाईका बारेमा विद्यार्थीलाई सिकाउने छन् संयोजक भट्टले भनिन्, यसले महिनाबारी सरसफाईका बारेमा समेत छात्राहरुले थाहापाउने छन् ।
धनगढी उप–महानगरपालिकाका प्रमुख नृपबहादुर वडले पहिलो चरणमा धनगढीका १८ वटा माध्यमिकतहका विद्यालयमा स्वास्थ्य तथा नसिङ्ग सेवा कार्यक्रम संचालन गरिएको भएपनि बाँकीमा चाँडै कार्यक्रम थप गरिने बताए । उनले भने, पहिलो चरणमा छात्राहरुको संख्या बढी भएका विद्यालयहरु छनौटमा परेका छन् । नगरप्रमुख वडले यस कार्यक्रमका बारेमा छनौटमा परेका विद्यालयका प्रधानाध्यापकहरु संग समेत छलफल गरिएको बताए । धनगढी उप–महानगरपालिकाका प्रमुख प्रशासकिय अधिकृत नारायण प्रसाद सापकोटाले धनगढीमा २६ वटा माध्यमिक विद्यालय रहेको बताए । पहिलो चरणमा नगरेकालाई चाँडै कार्यक्रमका लागि समेटिने छ प्रमुख प्रशासकिय अधिकृत सापकोटाले भने, धनगढीको कुशल ब्यबस्थापनका कारण यती ठूलो संख्यामा स्वास्थ्य तथा नसिङ्ग सेवा कार्यक्रमको कोटा प्राप्ती भएको हो । उनले अन्य नगरपालिका र गाउँपालिकामा सिमित मात्रै कोटा रहेका छन् ।