नरेश राना ,कंचनपुर ,१२ माघ ।

कंचनपुरकी लालझाडी गाउँपालिका वडा नं.४ डागाजाँइमे १६औँ संस्करणको फुटबल प्रतियोगिता इतबारसे सूरु भओ हए । कञ्चन जाँइ खेलकुद विकास समितिके आयोजनामे सूरु भओ प्रतियोगिताको उद्घाटन लालझाडी गाउँपालिकाकी उपाध्यक्ष सत्यादेवी महरा करीरहएँ । खेल उदघाटन करत उपाध्यक्ष महरा कहि खेलमे मिर बहुत रुचि हए जाके सञ्चालनमे गाउँपालिका पुर्ण सहयोग करेहए बताइहए । और कहि जामे खेलाडी इमान्दरीता खेलदेन औ विवाद रहित बनानके ताँहि नियम पुर्बक सञ्चालन करनके ताँहि उपाध्यक्ष महरा आयोजकके अनुरोध करिहएँ । कार्यक्रममे बिशिष्ट पहुना लालझाडि गा.पा.के प्रशासनिक अधिकृत शेर बहादुर बुढा औ वडा नं. ४ के वडा अध्यक्ष बहादुर राना रहएँ ।
प्रतियोगिताको उद्घाटन खेल कर्मचारी औ किशान विच भओ खेलमे किशानसे कर्मचारी टिम ४–१ से पच्छु रहि कार्यक्रमके सभापति कञ्चन जाँइ खेलकुद विकास समितिके अध्यक्ष गर्भु राना रहए । सोमबारहोन बालो पहिलो खेल शिवशक्ति युवा क्लब नन्दगाउँ र्आै आयोजक कञ्चन जाँइ खेलकुद विकास समिति विच होबैगो औ दोस्रो खेल थ्री डि युवा क्लव गणेशबस्ती औ सरस्वती युवा क्लव डुङ्गा के बिच होबैगो आयोजक समिति सचिव नरेश राना बताइहए । प्रतियोगितामे प्रथम औ दृतिय होन बाली टिमके क्रमशः नगद रु ५२ हजार ५ सय ५५ औ रु २७ हजार ५ सय ५५, ट्रफि औ प्रमाण पत्रसे पुरिस्कृत करोजाबैगो आयोजक बताइहएँ ।