रानाथारु डटकम दोस्रो बार्षिकोत्सबके उपलक्ष्यमे बिभिन्न क्षेत्रमे सहयोग करनबालेनके सम्मान

रानाथारु डटकम दोस्रो बार्षिकोत्सबके उपलक्ष्यमे बिभिन्न क्षेत्रमे सहयोग करनबालेनके सम्मान

धनगढी,११ माघ २०७६।

रानाथारु डटकम दोस्रो बार्षिकोत्सबके उपलक्ष्यमे बिभिन्न क्षेत्रमे सहयोग करनबाले व्यक्तित्वनके सम्मान करिहए ।शनिचरके रोज रानाथारु भाषाको एक मात्र अनलाइन मिडिया जौन आँगनबारी मिडिया प्रा.लि द्वारा संचालित रानाथारु डटकम औ अर्धवार्षिक पत्रिकाक उजियारो रानाथारु डटकमको दोस्रो बार्षिकोत्सबक कार्यक्रम मनाइरहएँ । कार्यक्रमके प्रमुख पहुना धनगढी उपमहानगर पालिकाके नगर प्रमुख नृप बहादुर वड रहएँ ।कार्यक्रमके उदघाटन करत धनगढीके नगर प्रमुख वड कहि पत्रकारीता कहेक सबयके शिक्षा देनबालो हए जा समाजमे लुकिभइ बातके उजागर करके बाहेर लातहए । तहिकमारे जा बहुत संबेदनशिन हए जौन कि थोरीकछु तरेउपर होनसे नकारात्मक संदेश चलोजात हए तहिक मारे इतिहांस उजागर करनको ठाँवमे और लुप्तहोनको आवस्था आ जाए हए बातइ । तहिकमारे बौद्घिक वर्र्गनसे छलफल करके बाहेर लानपडत हए फिर कहि नगर प्रमुख वड । औ बे जहु कहि कि धनगढी उपमहानगर पालिका सबय जात जातिनको भाषा , संस्कृतिक संरक्षण तथा संबद्र्घन करनके ताँहि पहल करत आएरहो हए बताइरहए ।


कार्यक्रमके विशिष्ट पहुना धनगढी उपमहानगर पालिका वाड नं. १ के संतोष मुठभरी, वाड नं.८ के नबराज बराल , वाड नं.७ के सिताराम राना , वाड नं.१० के राजेन्द्र राना , वाड नं.११ के गंगाराम राना ,औ वाड नं.१७ के वडा अध्यक्ष माधवराज राना रहए ।
कार्यक्रममे वडानं. ७ के वडा अध्यक्ष सिताराम राना कहि रानाथारु डटकम रानाथारुको भाषा तथा संस्कृतिके संरक्षण करनमे बहुत कुछ करत आएरहोहए बताइ । औ कैलाली , कञ्चनपुर जिल्लामे इकल्लो नाए कि भारत मे बैठे भए रानाथारुनके बिचमे फिर सहकार्यक करके अग्गु बढनको बहुत बडो भुमिका खेलत आएरहो हए तहिक मारे रानाथारु डटकमको अगामी दिनमे स्वण जयन्ति फिर मनान पामएँ कहिके शुभकामना दइरहएँ ।


ऐसि करके कार्यक्रममे रामलाल राना औ चेतराज राना दोस्रो बार्षिकोत्सबक को पुर्ण सफलताको शुुभकामना दइरहएँ । कार्यक्रम संस्थाके अध्यक्ष नन्दलाल रानाके सभापतित्वमे भव रहए । कार्यक्रममे बे कहि रानाथारु डटकमके अध्ययन करके बहुतसे ब्यक्ति रानाथारु जातके बारेम थेसिस लिखरहे हए तहिक मारे रानाथारु डटकम अनलाइ न्युज पोटल इकल्लो नहए हए कि जा हमर डिजिटल मिनि संग्रहालय हए बताइ । औ जहे कार्यक्रम मार्फत उजियारो रानाथारु डटकमको तेस्रो अंक फागुन महिनामे प्रकाशन करनके ताँहि लेख रचना पठाइके सहयोग करनके सबयनसे अनुरोध करिहएँ अध्यक्ष राना ।


कार्यक्रमके स्वगत मनतव्य सम्पादक भक्तराज राना करि औ अगामी बर्षको कार्ययोजना नारायण राना प्रस्तुत करिरहए कहेसे संचालन भनुप्रताप राना करिरहए । औ बे जहु कहि कि रानाथारु डटकम को यु टुबमे भिडियो देखनबाले थाेरि दिनमे २ हजार ८ सय से जद्धी सस्क्रइबर हए कहिके बताइरहएँ ।
कार्यक्रममे रानाथारु डटकमके प्रत्यक्ष औ आप्रक्ष सहयोग करनबाले कलाकार औ पत्रकारनके सम्मान करिरहएँ ।

विज्ञापन