लालझाडि , २ माघ २०७६ ।

तेस्रो माघि मिलन बृहत संस्कृति कार्यक्रम – २०७६ भव्यताके साथ लालझाडी ३ डुङ्गामे हुइरहो हए । “थारु एक्ता हमार सान शिक्षा भाषा संस्कृति पहुरैती लैजाइना हमार अभियान ”मुल नाराके साथ माघि मेलाक कार्यक्रमके समुउदघाटन सुदुरपश्मि प्रदेशिक सचेतक तारालामा तामा¨ करिरहए । बे कार्यक्रमके प्रमुख पहुना रहए । कार्यक्रमके सम्बोधन करत कहि लालझाडि गा.पा.मे हुइरहो विकास निर्माणमे खासकरके दोदा नदियामे टतबन्धन बाँधनमे जोडदेन कि बात कहिहए ।
कार्यक्रमके विश्ष्टि पहुना द्वोए लालझाडि गाउ पालिकाके अध्यक्ष मदनसेन वडायक औ बेलौरी नगर पालिकाके मेयर पोतीलाल चौधरी रहए । लालझाडिमे हुइरहो विकास कार्यके क्रममे नेकापाके स्थानिया कमिटमे छलफल करके अग्गु बढनको प्रतिबद्घता करिहए अध्यक्ष बडायक । ऐसीकरके माघि मेलाको पुर्णसफलताको शुभकामना दइरहए बेलौरीके मेयर चौधरी ।
कार्यक्रममे लालझाडि भरके भलमन्सा तथा गाउके चाकरनके मायाको चि“नासे प्रोतसाहन करिरहए । कार्यक्रममे भलमन्सा औ चाकरनके सोहि वडाके वडा अध्यक्ष मायाको चि“ना दइके सम्मान करिरहए ।
कार्यक्रम माघि मेला बृहत संस्कृति कार्यक्रम मुलकमिटीके अध्यक्ष बिर बहादुर चौधरी सभापतित्वमे भओरहए । माघ मिलन कार्यक्रम कल तक चलैगो अयोजक बताइहए ।
ऐसी करके कार्यक्रममे मझौरा नाच , झुमरा नाच , सखिया नाच , तथा स्थानिय कलाकरनको बेजोड प्रस्तुती रहए । औ कार्यक्रममे राष्ट्रिय गायक, कलाकार मनिराम चौधरी , सोमती थारु दिनभर दरशकनके मनोरञ्जन करबाइ कहेसे कल बसन्ती चौधरी , दोसहरण चौधरी औ दर्पण कुश्मी कि प्रस्तुती होबैगी आयोजक जानकारी दइहए ।