रानाथारू भाषाको पहिलो वेवसाइट
रानाथारू भाषाको पहिलो वेवसाइट
धनगढी,१९ माघ ।
नेपाल रानाथारु समाज केन्द्रिय कार्यसमिति २०७७ माघ २० गतेके रोज पहिलो रानाथारु सुचिकृत दिवस बिबिध कार्यक्रम सहित मनैया हए ।
नेपाल सरकारकि मन्त्रिपरिषदसे गत २०७६ माघ २० गते रानाथारु जातिके अलगए आदिवासी जनजातिक सुचिमे सुचिकृत करिहए बहेक खुशिमे रानाथारु समुदाय माघ २० गते सुचिकृत दिवसके यादगर बनान ताँहि दिवस मनैयाँहए ।
नेपाल रानाथारु समाजको आयोजनामे कृष्णपुर नगरपालिका वडा नं. ३,४ स्थीत हरियाली समुदायिक वन उपभोगता समुहको प्राङ्गणमे हुवैया हए कहिके अध्यक्ष कृपाराम राना जानकारी दइहएँ ।
कार्यक्रममे माननिय नारदमुनि राना,संविधान सभासदस्य प्यारेलाल राना, प्रदेश सदस्य मालामति राना, श्यामलाल राना लगायत पहुनाको उपस्थितीमे भव्यरुपमे कार्यक्रम होवैगो कहिहएँ । कार्यक्रमके थप व्यवस्थापन करनताँहि विभिन्न जिम्मेवारी बाँडफाँड करिहएँ औ सांझके घर घरमे दिपप्रज्वलन करन फिर सब जनिसे अनुरोध करिहएँ ।
कार्यक्रममे बिभिन्न घटनामे सहदत्त भए रानाथारु सहिदको पहिचान करके घोषणा करंगे उनको नाम सहिदके लिष्टमे समाबेस करन ताँहि नेपाल सरकारसे अनुरोध करंगे बत अध्यक्ष राना जानकारी दइहए औ कहि कार्यक्रम सप्ताव्यापि मनामंगे कहिहएँ ।
