धनगढीमे दाइजाे कृषि सहकारी संस्थाकाे साधारणा सभा निभटाे

धनगढीमे दाइजाे कृषि सहकारी संस्थाकाे साधारणा सभा निभटाे

धनगढी,२७ अगहन ।

कैलालीक धनगढी उपमहा नगरपालिका ७ स्थित दाइजो कृषि सहकारी संस्था लिमिटेडको ९औं वार्षिक साधारण सभा निभटाे ।

कार्यक्रमके प्रमुख पहुना सुदुरपश्चिम प्रदेश भुमि व्यवस्था तथा कृषि मन्त्री माननिय बिनिता चाैधरी रहएँ । कार्यक्रमके सम्बोधन करत मन्त्री चौधरीे कहिँ प्रदेशक आर्थिक सम्वृद्धि प्रदेशमे भए कृषि सहकारी मार्फत होबैगो बताइरहएँ ।
प्रदेशमे निरो सहकारी संस्था खोलेहएँ, मन्त्री चौधरी कहिँ सहकारी अपन उद्देश्य अनुरुप काम पुरो करनसे प्रदेशमे आर्थिक सम्वृद्धि सहकारी मार्फत प्रदेश आत्मनिर्भर बनैगो ।


कार्यक्रममे मन्त्री चौधरी कहि प्रदेशमे रहेभए सहकारीनके नियमन औ व्यवस्थापन करन थोरीबहुत चुनौती हए तहु फिर प्रदेश सरकारसे सहकारी नियमन औ व्यवस्थापन सम्बन्धी कानून निर्माण हुइगौहए अब बो समस्या फिर ना रहिगौ बताइ । और कहि अब बाे कानून जल्दिहि कायान्र्वयन हाेबैगाे बताइ । अप्न उद्देश्य अनुरुप काम ना करनबाले सहकारीनके प्रदेश सरकार खारेजी फिर करैगाे ।’
मन्त्री चौधरी कहि सहकारीके उत्पादनमुखी बनन अनुरोध करिँ । जा के संगय प्रदेशमे विउ विजनको समस्या हाेनसे सहकारीके धान, गहुँ लगायत अन्नबालीकाे बिजवृद्धि कार्यक्रम लागु कारन कि बात करिहए ।


‘अन्नबाली लगान बेरा हिनके किसानके विउविजनको बहुत समस्या होतहए, बो के ताँहि जा क्षेत्रके सहकारीनके विजवृद्धिक कार्यक्रम प्राथमिकताके साथ अग्गु बढान कि बातकरिहएा’, मन्त्री चौधरी कहिँ ‘जा के ताँहि प्रदेश सरकार अनुदानके कार्यक्रम लाइहए ।’
मन्त्री चौधरी कहि हिनके कृषकनको उत्पादन बढानके ताँहि आधुनिक औ व्यवसायीक खेती प्रणाली अपनानके ताँहि जोड दइहएँ । जक संगय कृषकके सामूहिक औ चक्लाबन्दी खेती करके उत्पादन बढानमे जोड दइहएँ ।


कार्यक्रममे नेकपा कैलाली जिल्ला सदस्य दीर्घराज जोशी, कृषि ज्ञान केन्द्रके भूमिराज उपाध्याय, वडा नं. ७ की वडा सदस्य यमूना जोशी, सहकारीके कानूनी सल्लाहकार कृष्ण प्रसाद सुवेदी, सल्लाहकार नन्दलाल राना लगायत शुभकामना मनतब्य दइरहएँ ।बे कहि सहकारीेके सेवामुखी, कृषकके सहुलियत दरमे ऋण प्रवाह करन सुझाबदइरहएँ । सहकारीसे गरिबी न्यूनकीरणमे फिर महत्वपूर्ण भूमिका खेलत आएरहि हए बताइ रहएँ । सहकारीक लेखा संयोजक पुरन राना आर्थिक वर्ष २०७६।०७७ असार मसान्त तक्कको ३ करोड ३१ लाख ९६ हजार ३९५ रुपैया बराबर करोबार भओ कहिके जानकारी कराइरहएँ ।


कार्यक्रम सहकारीकी अध्यक्ष चन्द्रकिरण रानाके अध्यक्षतामे भओ रहए । कार्यक्रमके सहकारीक लेखा समिति सदस्य सीताराम राना स्वागत मनतब्य करिरहएँ कहेसे कार्यक्रमके सञ्चालन सहकारीकी व्यस्थापक निशा चौधरी करिरहएँ । कार्यक्रम काेभिड १९ के कारणासे Zoom ID औदाइजाे काेअपरेटिभ्स लि. औ Ranatharu.com काे facebook पेजसे Live करके सम्पन्न निभटाे ।

विज्ञापन