रानाथारु डटकम, जुम कन्फ्रेन्स द्वारा संचालित जागरण कार्यक्रम भव्यताके साथ निभटो

रानाथारु डटकम, जुम कन्फ्रेन्स द्वारा संचालित जागरण कार्यक्रम भव्यताके साथ निभटो

धनगढी,२९ असाड ,

आगनबारी मिडिया प्रा.लि., रानाथारु डटकम द्वारा संचालित तिन दिने जुम कन्फ्रेन्स जागरण कार्यक्रम निभटो हए । कार्यक्रमके प्रमुख पहुना प्रतिनिधि सभा सदस्य माननीय नारदमुनि रानासे असार २६ गते उद्घाटन भओ कार्यक्रम तिन दिन तक चलो हए । कार्यक्रममे अन्य समुदायसे पच्छु पडो रानाथारु समुदाय फिर एक हए जाके कैसे अगारु बढामएँ कहिके  परिकल्पना करके तिन दिवसिय जुम कन्फ्रेनस जागरण कार्यक्रम धरोगओ हए कहिके आयोजक बताइ रहएँ ।

रानाथारु समुदायमे नेतृत्वदाइ भुमिकाको अवस्था और विकास सम्बन्धि उत्प्रेणा जगान शिर्षकमे शिक्षक राजकुमार राना प्रशिक्षण करी कहेसे आदीबासी जनजाती परम्परागत रुपमे करत आएरहे पेशाके व्यवसायिक रुपमे कैसे आर्थिक रुपान्तरण कर सकत हएँ ? जा विषयमे एल आइ सि नेपालगंज रिजनल म्यानेजर तथा नेराथासके पुर्व अध्यक्ष पदम राना प्रशिक्षण दइरहए । ऐसी करके विश्वव्यापी रुपमे कम्प्युटर शिक्षाको कित्नो महत्वपुर्ण हए ? आवश्यकता औ डिजिटलाइजेसन सम्बन्धि प्रशिक्षण दिलिप राना कराइ रहए बे अभय मस्टा गाँउपालिका बझाँङमे कार्यरत हएँ । और लोकसेवा सम्बन्धि अबलम्बन करनबारे कुछ महत्वपूर्ण  जानकारी  धनगढी उपमहानगर पालिका के शिक्षा शाखा अधिकृत घुम्मन सिंह बडायक जानकारी दइँ रहएँ । 

जा कार्यक्रम रानाथारु समुदायके ताँहि बहुत सान्दर्भिक रहाे और अभय कोभिड-१९ के कोरोना भाइरसके डरसे घरसे बाहेर निकरनको अवस्था नाहए तहिकमारे प्रविधिको भरपुरर्ण प्रयोगसे रानाथारु समुदायमे जनचेतना फैलान उद्देश्यसे जागरण कार्यक्रम भओ हए जाको पुर्णसफलताको शुभकामना कृष्णपुर नगरपालिका कि उपप्रमुख रमिता राना , बेलौरी नगर पालिका ८ के वडा अध्यक्ष नन्दकुमार राना, लालाझाडी गा पा वार्ड न. २ अध्यक्ष हेमराज राज राना, पुनर्बास न पा १० के वडा अध्यक्ष सुखदेव राना,

 नेपाल रानाथारु समाज केन्द्रय उपाध्यक्ष कमल सिं राना औ ओमप्रकाश राना , महिला संजाल कि अध्यक्ष प्रेमबती राना, रानाथारु उत्थान मंचके अध्यक्ष धोके राना, राना कला एवं संरक्षण मंचके अध्यक्ष महाबीर राना, थारु संस्कृति विकास मंच खटिमा भारतके अध्यक्ष बन्टी राना, संघर्ष समितिके अध्यक्ष सागर राना, शिक्षक बासमती राना लगायत शुभकामना दइरहएँ । जाके संगए नेपाल और भारतके तमान संस्था से जुडे बुद्धिजीवी, विधार्थी, समाजसेबी, खेलाडी, शिक्षक, उधोगी लगायत आम नागरिक बडो संख्यामे  सहभागीता भओ रहए ।   

ऐसिकरके जागरण कार्यक्रमे अपन व्यक्तिगत जुम आइडि दइके नेपाल राष्ट्रिय शिक्षक संगठन सुदुरपश्चिम प्रदेश अध्यक्ष नर बहादुर रावल सर कार्यक्रमको पुर्णसफलताको शुभकामना दइहए । कार्यक्रमको महत्व पुस्टि करतए नेपाल राना थारु समाजके अध्यक्ष कृपाराम रानाको प्रमुख आतिथ्यमे कार्यक्रम समापन भओ रहए कहेसे कार्यक्रम आँगनबारी मिडिया प्रा.लि. तथा रानाथारु डटकमके अध्यक्ष नन्दलाल रानाके अध्यक्षतामे भओ रहए औरु कार्यक्रमको संचालन शिक्षक प्रेमचन्द्र राना और बिटिया राना करिरहएँ । 

तिजको पूर्व सन्ध्यामे भओ जा कार्यक्रमके अपनी मीठी स्वर प्रस्फुटन करके गायक बन्टी राना, सिता राना, लक्ष्मी राना, राधेश्याम राना, अमर सिं राना कार्यक्रम संस्कृतिमए और तिजमए बनाएके भव्यताके साथ सफल बनान सहयोग करी रहएँ । 

सेयर कर दियो ।

विज्ञापन