कैलारी ,७ चैत

भरतसे जुडे सीमा नाका बन्द करनमे प्रदेश सरकार अलमल करोबेरा कैलालीक कैलारी गाउँपालिका चन्दनचौकी सीमा नाका पूर्णरुपसे बन्द करिहए ।

बो गाउँपालिका औ भारतके चन्दनचौकी बजारसे जुडोके कारणसे जा नाका बन्द करोगओ हए गाउँपालिकाके प्रवक्ता कमलप्रसाद चौधरी जानकारी दइहएँ ।

 औ कहि जा नाका हुइके कैलारी गाउँपालिका, गौरीगगा नगरपालिका लगायतके स्थानीय अदमी समान लेन चन्दनचौकी, पलियालगायत भारतीय बजार आतजात हएँ ।

भारतके फिर ओहोरदोहोर करनसे कोरोना भाइरस संक्रमणको जोखिमके मध्यनजर करके बन्द करोगअव हए ।

नाकामे किनमेलके ताँहि भारत जान पूर्ण रुपमे बन्द होनसे फिर भारतसे अएभए नेपालीनके ताँहि भर चेकजाँच पश्चात आवश्यक काउन्सिलिंगके पच्छु इकल्लो आन देमंगे कहिके उनकि कहाइहए ।

एसी कहिके बे कहि गाउँपालिकासे जोडे अउर  छोटे नाका फिर बन्द करन बताइहएँ । हम उतयसे भारतीय नागरिकनके आनके नदएरहे हएँ । जा नाकासे जुडो मिलनपुर, विपतपुर मुक्त कमैया शिविर, भुइयाँफाँटा, रामपुर, मोहनपुर, शिवरत्नापुर, बड्का पलिया लगायत गाउँमे भोलेन्टिएर टीम परिचालन करेहएँ’, प्रवक्ता चौधरी कहि ।

कोरोनाविरुद्ध गाउँपालिकाके विपद् व्यवस्थापन समितिक बैठक बोलाएके सीमा सुरक्षा बल (बीओपी), ईलाका प्रहरी कार्यालय, गाउँके भल्मन्सानके, सम्बन्धित वडाके वडा सदस्यनके स्वयमसेविक के रूपमे परिचालन करोगओ बताइहएँ। कोरोना संक्रमण जोखिम विरुद्ध समिति गठन करके सीमा नाकामे २४ औं घण्टा हेल्प डेक्स धरेजाबैगो बताइहएँ ।