धनगढी , २९ फागुन

पश्चिम नेपाल कैलाली , कञ्चनपुर जिल्ला औ भारत उत्तर प्रदेश , उत्तराखण्डमे बैठनबाले रानाथारू समुदाय हाेरी तिउहार बडाे औ महत्वपुर्ण तिउहार के रूपमे मनात हएँ । हाेरी तिउहारकाे दुसराे दिन रानाथारू समुदायमे धुमधामसे हाेरी खेलके तिउहार मनात हएँ । पहिलाे दिन पधना घर खेलत हए दुसराे दिन भलमन्सा तिसराे दिन चाकरके घर खेलनकाे चलन हए । अब बहुत गाँवमे पधना नहाेत हए तव भलमन्साके घरमे खेलल हएँ । धनगढी गाँव कि लाैडालाैडिय, बुढे जमान सब मिलके हाेरी खेलत हए । रानाथारू समुदायमे हाेरी तिउहार एक महिना आठ दिन हाेरी खेलके मनात हएँ । अब बहुतसे गाँवमे हाेरीकाे डंका तक ना बाजाे तव जा हाेरी संस्कृतिके बचान ताँहि का करन पडैगाे कहिके जनमानस से प्रतिकृया लएहएँ । उनकि प्रतिकृया उनहिकि आवाजमे एेसाे हए