नरेश राना/कञ्चनपुर: कञ्चनपुरको पुनर्वासमा रोकी राखेको ट्याक्टरमा मोटरसाइकल ठोकिन्दा एक जनाको मृत्यु र दुई जना घाईते भएको छ ।

कञ्चनपुरको दक्षिणी भेग धनगढी बेलौरी सडक खण्ड अन्तर्गत हुलाकी राजमार्गमा पुनर्वास १ ,पुरैना देखी उदरी गाऊ जाँदै गरेका मोटरसाईकलले माईली बजारस्थित रोकाएर राखेको ट्यक्टरलाई ठक्कर दिँदा सो दुर्घटना भएको हो ।

दुर्घाटनामा परी गम्भीर घाईते भएकाहरुलाई तत्काल एम्बुलेन्समा राखी उपचारका लागि धनगढी स्थित माया मेट्रो अस्पतालमा पठाई दिएको थियो । उक्त दुर्घटनामा दुुई पुरूष र एक महिला गरी तीन जना गम्भीर घाईते भएको थियो ।

पुनर्वास नगरपालिका वडा नं.२ माईलीबजारमा म २ प ४६२५ नं.को. मोटरसाईकलले सोही ठाँउमा बाटोमा रोकाई राखेको से १ त ४१५९ नं. को ट्याक्टरमा ठक्कर दिदा पुनर्वास न.पा. ५ उदरी बस्ने वर्ष २१ को अभिषेक राना, वर्ष १९ की रञ्जिता राना र वर्ष १८ को अनुप राना गम्भीर घाईते भएका थिए ।

कञ्चनपुरको पुनर्वास नगरपालिका ३ रामबस्तीका बमबहादुर तामाङले माईलीबजारमा रोकाएर राखेको ट्याक्टरमा ठक्कर दिदा दुुर्घाटना भएको ईलाका प्रहरी कार्यालय त्रिभुवनबस्तीका प्रहरी निरीक्षक हेमराज भटृले बताए ।

दुुर्घाटनामा परी मोटरसाइकल चालक अभिषेक राना र अनुप रानाको टाउको, मुखमा चोट लागेको र रञ्जिता रानाको दाहिने खुट्टा, दुवै हातमा चोट लागेको प्रहरी निरीक्षक भटृले बताए । उनले मोटरसाइकल चालक अभिषेक रानाको उपचारको क्रममा सोही अस्पतालमा मृत्यु भएकोे जानकारी दिदै अनुप रानाको अवस्था मध्यम र रञ्जिता रानाको सामन्य रहेको बताए ।

अहिले घाईते दुुई जनाको उपचार भईरहेको छ ,शवलाई पोष्टमार्टमका लागि सेती प्रादेशीक अस्पताल धनगढी,पठाइएको छ भने ट्याक्टर र टयकटर चालकलाई प्रहरीले नियन्त्रणमा लिएको ईलाका प्रहरी कार्यालय त्रिभुवनबस्तीले जानकारी दिए ।