नरेश राना/कञ्चनपुर: लालझाडी गाउँपालिकाको प्रतिनिधित्व गर्दै भारतको पन्जाबमा भएको सितोरियो कराते प्रतियोगिता मा लालझाडी का ४ जना खेलाडीले स्वर्ण पदक जित्न सफल भएका छन्।

लालझाडी वडा नं ६ र ४ का खेलाडी गणेश चाैधरी, कृष्ण चाैधरी, सिद्धराज राना र प्रकाश साउद लाई आज गाउँपालिकामा जिल्ला समन्वय समितिका प्रमुख दुर्गा दत्त बोहरा, उप प्रमुख राम कुमारी राना, गाउँपालिका अध्यक्ष निर्मल राना, उपाध्यक्ष सपना चाैधरी राना, प्रमुख प्रशासकीय अधिकृत राज बहादुर सार्की लगायतले टिमले आज गाउँपालिकामा सम्मान गरेको छ साथै सम्मान सहित चेक हस्तान्तरण गरिएको छ।

लालझाडी गाउँपालिकाले यस्ता युवा खेलाडी पाउनु हाम्रो लागि सौभाग्य हो, गाउँपालिका भित्रका खेलाडीहरुको हौसला र प्रोत्साहनका निम्ति गाउँपालिका सदैव तयार रहेको गाउँपालिका अध्यक्ष निर्मल रानाले बताएका छन्। विजेता खेलाडीहरुलाई पञ्जाव जादा आउदा, बसाइ र खाना खर्च गाउँपालिका उपलब्ध गराएको पालिका अध्यक्ष प्रमुख सचिवालयले जनाएको छ।