शुक्रराज राना/कञ्चनपुर: कञ्चनपुरमा डेंगु संक्रमणबाट एक युवकको मृत्यु भएको छ । जिल्लाकोे बेलौरी नगरपालिका–८ पचुइ स्कुल टोलका २८ वर्षीय हिक्मत खत्रीको डेंगुका कारण मृत्यु भएको पारिवारिक स्रोतले बताएको छ ।

अत्यधिक ज्वरो आएपछि धनगढी नोभा अस्पतालमा लगिएका उनको उपचारकै क्रममा गएराति मृत्यु भएको बताइएको छ । रोजगारीको सिलसिलामा भारतमा रहेका उनी एक हप्ता अगाडि मात्रै घर फर्किएका थिए । उनका श्रीमति र दुई छोरा रहेका छन् ।