नरेश राना/कञ्चनपुर: कञ्चनपुरको बेल्डाँडी गाउँपालिकामा सिसम् डाडी महिला कृषक समूहको आयोजनामा तिज मिलन विशेष संस्कृति कार्यक्रम सम्पन्न भएको थियो ।

उक्त कार्यक्रम रोशनी रानाको सभाध्यक्षमा सम्पन्न भएको थियो भने प्रमुख अतिथि कञ्चनपुर जिल्लाको क्षेत्र नं १ को ख का प्रदेश सभा सदस्य माननीय दिवान सिंह विष्ट रहनु भएको थियो र विशिष्ट अतिथि बेल्डाँडी गाउँपालिका का अध्यक्ष हरीचन्द राना, उपाध्यक्ष शान्ति नाथ, रहेका थिए। जिल्ला समन्वय समितिका उपा अध्यक्ष राम कुमारी राना विभिन्न राजनीतिक दलका प्रमुख, संघ संस्थाका प्रमुख रहनु भएको थियो।

प्रमुख अतिथिले यस क्षेत्र मा जतिपनि जात जातीका मानिसहरुको आ-आफ्नो रीतिरिवाज भेषभुषा, पहिरन उतिकै महत्त्व छ, तर यो रानाको पहिरन एक अलग्गै रहेकोले यसको सुरक्षित राख्न मेरो क्षेत्र बाट हुने सहयोग सदैव तत्पर छु भनेर प्रतिबद्ध गरेका थिए। कार्यक्रममा स्थानीय तथा राष्टिय कलाकारको प्रस्तुति रहेको थियो। गायक कलाकार अमर सिंह राना, कुठारि राना, गायीका लक्ष्मी रानाको बेजोड प्रस्तुति रहेको थियो भने स्थानीय को झाँकीहरु प्रस्तुत गरेका थिए।