धनगढी , १५ फागुन २०७६।

धनगढी उपमहानगर पालिका बेला गाँव मे राना कला एवं संस्कृति संरक्षण समाज द्वारा अायाेजित हाेमस्टे मेलामे , बर्षौ दिनको माग पुरो भओ , २०७६ रानाथारुको स्वाणीम युगके रुपमे समझना रएहए धनगढी उपमहानगर पालिका वडा नं. ११ बेला गाँवमे शुरुभओ होमस्टे मेलाको समुदघाटन करत सांघिय सांसद नारदमुनि राना बताइ रहएँ । रानाथारुवनके नेपाल सरकार आदिवासि जनजातीमे सुचिकृत करदइहए अब हमके घरमे प्रवेश करनके ढोका खुल्गओ हए बताइ माननिय राना ।

औ बे कहि कि जा साल जाति सुचिकृतके संगसंगय भाषा आयोगमे रानाथारु भाषासुचिकृत हुइगओ बताइ । बे कहि रानाथारु भलमन्सा , पधना , चाकरसे चलनबालो समुदाय होनसे गाँउमे भेला कचेहरी करन ताँही समुदायक भवन निर्माणके ताँही बजेट विनियोजन करो हौ औ बाँकी गाँवमे धिरेसे काम शुरुहोबैगो बताइहएँ । बेला होमस्टे मेलाके प्रमुख पहुना आशा औ भरोसाके केन्द्रविन्दुके रुपमे रहए माननिय राना जी ।

कार्यक्रमके विशिष्ट पहुना धनगढी उपमहानगर पालिका वडा नं. ११ के वडा अध्यक्ष गंगाराम राना , ठेकराज मा.वि.के शिक्षक भक्तराज राना लगायत मेलाकोे शुभकामना व्यक्त करीहएँ ।

कार्यक्रममे भारत उतराखण्डसे कलाकार थारु संस्कृतीके अध्यक्ष बन्टी रानाके संयोजकत्वमे १२ जनी कि कलाकार टिम आइहए । बे होमस्टेक मेलामे भरपुर मनोरञ्जन करबाइहएँ । औ मेलामे रानाथारु संस्कृतिसे जुडि खानपान , प्रदशनिके संगय स्थानिय कलाकारको बेजोड प्रस्तुती फिर देखन मिलत हए ।

कार्यक्रम संस्थाके अध्यक्ष महाविर रानाके सभापतित्वमे भओ । होलीके अबसरमे बिगत दुइ बर्षसे आयोजना होत आएरहो बेलाको होपस्टे मेला औ संचालन पुरन राना औ काली राना करीरहएँ मेला तिन दिन तक चलैगो बताइ