निवा रानाधनगढी, २४ अगहन ।

कैलालीक, धनगढी उप- महानगरपलिका वडा नं. ७ देवहारिया गाँव स्थित दाइजाे कृषि सहकारी संस्था लिमिटेड काे ११ औ सधारण सभा निभटाे हए।

सनिचरके राेज भओ कार्यक्रममे धनगढी उप-महानगरपलिकाकी उप-प्रमुख कन्दकला राना प्रमुख अर्थिती रहए । बे,कहि धनगढी उप- महानगरपलिकाके प्लष्टिक मुक्त क्षेत्र घाेषणा कारि हए,प्लष्टिकके कारणसे कृषि क्षेत्र और अादमिक स्वस्थ मे जाकी असर पडाेहए और जाके करणसे स्वस्थयमे फिर घातक राेग क्यान्सर जइसाे राेग फिर देखाइ हए। धनगढी उपमहनगर पालिका महिला दिदीबहिनीयाँके दुन कपरी बनान ताँहि वडा नं. ७ औँ १३ मे तालिम संचालन हुइरहाे हए । उपप्रमुख राना कहि संस्थाके नाफामुखि से फिर सेवामुखि बनाहए दाइजाे कृषिसहकारी संस्था प्रदेश मैसे उत्कृष्ट संस्था हए ।

कार्यक्रमके विशिष्ट अर्थिती धनगढी उप-महानगरपलिका वडा नं. ७ के वडा अध्यक्ष माेती राना, जिल्ला कृषि सहाकरी संघके जिल्ला अध्यक्ष फणिराज सापकाेटा रहए।

अइसि करके शुभ कामना मनतव्य देवहारिया समुदायिक वनके अध्यक्ष सरदा प्रसाद राना, नव ज्याेति कृषि सहकारी संस्थाके लेखापाल पृथ्वी राना लगायत शिक्षा समितिक संयाेजक मनराज यादव, कानुनी सल्लहकार कृष्ण प्रसाद सुवेदी दैइ रहए।

कार्यक्रममे उत्कृष्टि कर्मचारी कविता राना, विज बृद्धीमे शिवराज राना, नियमित बचत तर्फ इश्वरी चाैधरी राना, असल ऋणी तर्फ अनिता रानाके दाेसल्लह और प्रमण पत्रसे समान करिहए।

कार्यक्रम सस्थाके अध्यक्ष मान बहादुर रानाके सभापतित्वमे सम्पन भओ हए। आ.ब २०७८/७९ काे प्रगती प्रतिवेदन संस्थाके अध्यक्ष राना सुनाइ रहए । अइसि करके आ.ब २०७८/७९ काे आय व्याय ४ कराेड १७ लाख ५४ हजार ९९२ रूपैया ९३ पैसा बराबरकाे अम्दानी खर्चकाे प्रतिवेदन लेखा समिती संयाेजक नन्दगाेपल राना सुनाइ रहए।बे कही जा संस्थामे ५७३ जानै शेयर सदस्य हए, कुल शेयर पुर्जी ५१ लाख ६६ हजार बराबरकाे हए बताइ ।

कार्यक्रममे स्वागत मन्तव्य सल्लहकार संयाेजक चन्द्र किरण राना दैइ रहए, कार्यक्रमके संचालक संस्थाके सचिव दिपाक राज जाेशी करि रहए ।