धनगढी, कार्तिक २५ । नेकपा एमालेके पोलिट्ब्युरो सदस्य और कैलाली क्षेत्र नम्बर ५ से प्रतिनिधीसभा उमेदवार नारदमुनी राना किसानक सङ्गाी एमाले इकल्लाे हए कहिके बताइ हए। कैलाली क्षेत्र नम्बर ५ अन्तर्गत धनगढी उप महानगरपालिका १८ फुलवारीके टोल भेला सम्बोधन करतय राना एमालेक नेतृत्वके समयमे किसानकी समस्या समाधान तर्फ उन्मुख हए कहिके बताइ हए ।
भुमीहिन, सुकुम्बासी लगायतके समस्या समाधानके ताँही एमालेके नेतृत्वकी समयमे आयोग गठन करके काम शुरु भओ हए करके राना बताइ हए । २०५१ सालमे एमालेकी नेतृत्वम सरकार गठन भओ हए आयोग और अन्य दलके सरकारकाे समयमे बिघटन हाेनाे पर किसानकाे समस्या उइसि रहाे अवस्थामे २०७४ पछु केपी ओली नेतृत्वक सरकार भुमी आयोग गठन करके पुर्जा देनके प्रक्रियासम्म पुगाे ५ दलको गठबन्धन बनाएके परमादेशसे एमाले सरकारसे हटाइ हए करके बे बताइ हए । एमाले सरकार भओ हए हालसम्म सबय भुमीहिन, सुकुम्बासीके जग्गाधनी पुर्जा पाइ डारि रानाक दावी हए ।
देश जुगानके ताँही एमालेअय चाहयगाे, भुमिहिन, सुकुम्बासी, दलितके ताँहि एमाले चाहयगाे आगामी निर्वाचनमे सबयको रोजाइमे एमाले पडाे हए उनकी कहाइ हए। किसानके ताँही मल अभाव समस्या समाधान करन एमाले नेतृत्वकाे सरकारके समयमे फस्फोरस खानीको सम्भाब्यता अध्ययन करि रहए बे बताइ ।
गठबन्धन सरकार नागरिकता बिधेयक लानसे लाइके, एम सी सी पास करन सम्मकाे राष्टघातके काम करतय जनताक ढाड सेक्नाे महंगी समेत बढाइ हए बे बताइ हए । देशको आर्थिक अवस्था नाजुक बननमे गठबन्धन सरकार दोशी रहाेक कारण देश बनानकाे चाहनामे एमालेके रोज्नाे रानाकी कहाइ हए ।
