दिनेश राना/धनगढी, ०३ कार्तिक । नवीनतम बाल समुहकी आयोजनामे धनगढी उप-महानगरपालिका वडा नं. १५ स्थित उर्मी गवकी दाखिन पट्टीमे दिवाली विशेष संस्कृतिक कार्यक्रम २०७९ कार्तिक ८ गते साँझ के ७:०० बजेसे होन बलो हए ।
विगत चार वर्षसे होत आएरहो जा कार्यक्रम फिर होन बालो हए । जा कार्यक्रममे कैलालीकी धनगढी उप-महानगपालिका, गोदावरी नगरपालिका, कैलारी गाउँपालिका और कञ्चनपुरकी पुनर्वास नगरपालिका, लालझाडी गाउँपालिका, कृष्णपुर नगरपालिका, बेलौरी नगरपालिका और और क्षेत्रसे फिर दर्शकको भीड होत हए ।
कार्यक्रममे ए. बि डान्स क्लवके प्रबन्धक औ रानाथारु कलाकार/ मोडेल अविनाश राना नवीनतम बाल समुहके कलाकारन्के नृत्य सिखत हए ।
कार्यक्रममे अभए चलात आइरहो बिषयबस्तुके समेटके दुई नाटक फिर प्रदर्शन हुइहए करके नवीनतम बाल समुहके कार्यक्रम संयोजक शिवराज राना बताई हए ।
