शुक्रराज राना/बेलौरी, १५ क्वाँर । कञ्चनपुरकी बेलाैरी नगरपालिका ४ स्थित श्री शान्ति मा.वि. मे बेलौरी नगरपालिका वडा नं ४ और पुर्व विद्यार्थी समाजकी आयोजनामे दशैं तिहार शुभकामना आदान प्रदानकाे औ संस्कृतिक कार्यक्रम २०७९/ ६/ १५ गते सुरु भओ हए । जा कार्यक्रम कल १६ गते समापन होइगो, उक्त कार्यक्रममे प्रमुख अतिथि बेलाैरी नगरपालिकाके नगर प्रमुख पाेतिलाल चाैधरी, विशिष्ट अतिथि बेलौरी नगरपालिकाके उपप्रमुख जोगराम चौधरी, महाकाली मा.वि. के पुर्व प्रध्यापक प्रेम सिंह बोहरा, अतिथि लगायत समाजसेवी बुद्धिजिवि की उपस्थिति रहए।
उक्त कार्यक्रममे शुभकामना मन्तव्य देतय नगर प्रमुख चौधरी कहीँ आम जनसमुदायके नेपाली ददाभइया दिदीबहिनीया लगायत चहोँ जाैन जातजतिक वर्गके हाेएसे फिर अपन धर्म, संस्कृति पहिचानके ताँही संरक्षण सम्बर्द्धन करनके ताँही, देशमे सुख शान्ति सम्बृद्धिके ताँही अपन धर्मके बाचनके ताही जा कार्यक्रम करनके सफल भए हएँ । कार्यक्रममे राष्ट्रिय कलाकार और स्थानीय कलाकारकि बेजोड प्रस्तुति भइ रहयँ ।
अइसि करके कार्यक्रम सन्चालन द्वय रुद्र प्रसाद अधिकारी और राजमति बम चन्द करि रहयँ । आजको उद्घाट्न कार्यक्रमके सभाध्यक्ष बेलौरी नगरपालिका वडा नं ४ के अध्यक्ष अर्जुन ढकाल समापन करि रहयँ।
