धनगढी,१४ भदौ । म्यादी प्रहरीके ४० दिनको ४० हजार तलब और ६ हजार ५ सय कपडाको पैसा पाए हए । अनबालाे मंसिर ४ गते हाेन बालाे प्रतिनिधिसभा और प्रदेशसभाको निर्वाचनमे जारूत पडन म्यादी प्रहरीके ४० दिनकी ताँही कपडाकी ६ हजार ५००, तलब ४० हजार और ३ दिनको ९०० करके सब जम्मा ४७ हजार ४ सय रुपैयाँ पाए हएँ ।
‘अर्थ मन्त्रालयसे प्रत्येक म्यादी प्रहरीक ४० दिनको ४० हजार तलब, कपडा और जुत्ताके ताँही ६ हजार ५०० औ ३ दिनको खाजा खर्च ३ सयक दरसे बजेट आओ हए ’, प्रहरी प्रवक्ता प्रहरी नायब महानिरीक्षक (डीआईजी) टेकप्रसाद राई बताइ । उनकी अनुसार चुनावको अगुक दिन, चुनावको दिन औ दुस्राे दिनके ताँही प्रतिदिन ३ सयके दरसे खाजा खर्च पाए हए । सरकार आइतवार आगामी निर्वाचनके ताँही १ लाख १५ हजार म्यादी प्रहरी भर्नाक ताँही सहमति दैइ डरिहए । प्रहरी प्रवक्ता राईके अनुसार दशैंलगत्तए म्यादी प्रहरीको भर्ना प्रकृया शुरु हुइ हए । जा दओ फिर प्रहरीके ४० दिनके ताँही म्यादी प्रहरीके भर्ना करहएँ ।
म्यादी प्रहरीके ताँहि सरकार ५ अर्ब ८६ करोड ३९ लाख रुपैयाँ बजेट छुट्याइ हए । हिमाली भेगमे खटेए म्यादी प्रहरी थप ज्याकेट किन्न १ हजार रुपैयाँ बजेट छुट्याइ हए । प्रहरीके सवारी साधन किन्नके ताँही ७५ करोड रुपैयाँ बजेट पाए हए । समग्रमे प्रहरीके निर्वाचन प्रयोजनके ताँही १ अर्ब ९८ करोड ५० लाख रुपैयाँ बजेट पाए हएँ।
