धनगढी, २७ सामन । नेपाल आदिवासी जनजाती पत्रकार महासंघ कैलाली २३ औं स्थापना दिवस मनाइ हए ।

महासंघकी प्रदेश समिति औ जिल्ला समितिक संयूक्त आयोजनामे मनाइहए औ कार्यक्रममे अानबाराे निर्वाचनमे थारु पत्रकारकाे भूमिकाक बारेम छलफल किररहएँ ।

कार्यक्रमके प्रमुख पहुना नेपाल आदिवासी जनजाती पत्रकार महासंघके केन्द्रीय सदस्य तथा प्रदेश संयोजक भीम चौधरी रहए । बे कहि अगहन ४ गते हाेनबाराे प्रदेश औ प्रतिनिधि सभा चुनावमे थारु पत्रकारनकाे अहम भूमिका हए किहके बताइहए । उनकी कहाइ, ‘जा से पहिले थारु समुदायके प्रतिनिधित्व भाै जनप्रतिनिधिनके जितान ताँहि थारु पत्रकारनकाे महत्वपुर्ण देन रहए । बे विजय हुइके गए पच्छु थारु समाजके ताँहि उनकाे याेगदान कैसाे रहाे अब समिक्षा करनकाे दिन आइगाै हए ।’

सुदूरपश्चिम प्रदेशसभा सदस्य तथा‍‍‍‍ पूर्व राज्यमन्त्री चुनकुमारी चौधरी थारु पत्रकार और थारु जनप्रतिनिधिविच समन्वय आवश्यक हाेन रहए बताइ । थरुहट नेता लक्ष्मण थारु आबसे विश्लेषनात्मक समाचार लिखन पडाे कहिके सुझाब दइहए ।

कार्यक्रममे नेपाल आदिवासी जनजाती महासंघ सुदूरपश्चिम प्रदेश समन्वय समितिके अध्यक्ष दलबहादुर घर्तीमगर, थारु पत्रकार संघके केन्द्रीय उपाध्यक्ष प्रेम चौधरी, रानाथारु समाजके केन्द्रीय उपाध्यक्ष कमलसिंह राना, प्रेस सेन्टरके केन्द्रिय सदस्य मुकेश टेर्रा, थारु लेखक इन्दु चौधरी, रानाथारु डटकमके सम्पादक नन्दलाल राना, तारानगर गाउँक भल्मन्सा गोठुराम चौधरी, थारु नागरिक समाजके सदस्य बसन्ती चौधरीलगायत मन्तव्य दइरहएँ ।

नेपाल आदिवासी जनजाती पत्रकार महासंघ प्रदेश अध्यक्ष रामलखन चौधरीके अध्यक्षतामे भाै कार्यक्रमके स्वागत जिल्ला अध्यक्ष राम दहित और संचालन महासचिव उन्नती चौधरी करीरहएँ ।