धनगढी,९ बैशाख २०७९ । कोभिड महामारीकि कारणसे दुई वर्ष आन्तरिक मूल्याङ्कनसे कराेभाै माध्यमिक शिक्षा परीक्षा एसईई जादफेरसे भौतिक उपस्थितिमे शुक्रवारसे सुरु भओ हाए । एसईई परीक्षामे सहभागी हाेनबाले छात्रकि तुलनामे छात्रा जद्धि बाढन्कि राष्ट्रिय परीक्षा बोर्डके अधिकारी जानकारी दैहाए । गाै बर्ष से छात्राकी सङ्ख्या क्रमश बढ्तए जनकाे सामाजिक कारणकाे भूमिका हुइसकत हए शिक्षाविद् बतार्इ हाँए । उन्की कहाइ हए बढत जनचेतनसे फिर छात्राकि सङ्ख्यामे बढोत्तरी भओहाए कहिँ ।
कितनाे हाए सहभागी ?
जा दब्फेर एसईई परीक्षामे कुल पाँच लाख १४ हजार नौ सय ७७ विद्यार्थी सहभागी भाए हाँए राष्ट्रिय परीक्षा बोर्ड अन्तर्गत परीक्षा नियन्त्रण कार्यालयकाे कामु परीक्षा नियन्त्रके अर्जुनबहादुर रायमाझी बताइहएँ। उनकी अनुसार बाे मैसे दुई लाख ५७ हजार नौ सय २४ छात्रा हाए और दुई लाख ५७ हजार ५३ जनी छात्र हाए । जा दब्फीर परीक्षामे छात्रसे ८७१ छात्रा जद्धी हाए करके बातइ हाँए ।
शिक्षाविद् का हत हाँए ?
एसईईमे इकलओ नएकी उपरके उच्च शिक्षाकि कक्षामे फिर अभाए छात्राकि सङ्ख्या बाढाे हाए कहिके शिक्षाविद् बतइ हाँए । जाकि एक मुख्य कारण पुरुष कमाएके पालन पढत् हाए करके चिन्ता से छाेटाे उमेरमे कैयाै युवा लाैडा रोजगारीके करनसे पढाइ छाडेके चालेजत हाँए एकजनै शिक्षाविद् विद्यानाथ कोइराला बतइ हाँए। उनके कहइ अनुसार लाैड छाेटेमे पाढइ छाेडनके कारणसे स्कूल और कलेजमे लाैणियाकी सङ्ख्या बढाे हाए।
