दिनेश राना /धनगढी,२० चैत । चुरिया खनकाई बिँदिया चमकै बोलकी गीतकी म्युजिक भिडियो चैत ३० गते रानाथारु डटकमकी युटुव च्यानलसे सार्वजनिक हुवैया हए ।

पत्रकार तथा कलाकार नरेश राना और प्रबीना रानाकी संयुक्ति प्रस्तुतिमे भौ म्युजीक भिडियोक डाइरेक्सन डाइरेक्टर ईश्वर चौधरी करिहएँ । कहेसे जा म्युजिक भिडियोक गीतमे अन्नू चौधरी और शंकर राना स्वर दइहएँ । जक गीतके अरेंज गणेश चौधरी करिहएँ और उनहीक देखरेखमे रेका‘र्ड भइहए ।

म्युजिक भिडियोक रेका‘र्ड मे सहयोग सुसील राना करिहएँ । और जा गीत रानाथारूक यूट्यूब चयनलसे कल साँझके ४बजे सार्बजनिक करैया हएँ कहिके कलाकार नरेश राना जानकारी दइ हए । कलाकार नरेश राना रानाथारु डटकम कञ्चनपुरके पत्रकार फिर हए ।