नरेश राना , लालझाडी, २९ पुस । कञ्चनपुरक लालझाडी गाउपालिका वडा नं. ४ स्थित श्री जाई ग्रमीण विद्युत सहकारी संस्था लि.क १४औ बार्षिक साधारण सभासे नयाँ कार्य समिति चयन भइहए ।

सहकारीक सधारण सभा पुस १७ गते निभटो रहए पर संचालक समिति आज एक कार्यक्रमके विच घोषण भइरए । सधारण सभासे सहकारी केन्द्रिय उपध्यक्ष गोविन्द भट्टकी संयोजकत्वमे निर्वाचन समिति गठन भइरहए । निर्वाचन समिति देवलाल रानाक अध्यक्षतामे नौ सदसिय संचालक समिति निर्विरोध निर्वाचित भइहए । उपाध्यक्षमे चेतराम राना,सचिब दयाराम राना,कोषाध्यक्ष गोदावरी राना,सदस्य विनोद राना, शुरेश गिरी, धनबहादुर ओड, झेल सिंह राना और पदम सिंह ऐर निर्वाचित भए हएँ ।

ऐसीकरके लेखा समिति संयोजकमे दिपेन्द्र राना, सदस्य गर्भु राना निविरोध निर्वाचित भएहए । नव निर्वाचित सम्पुर्ण संचालक समिति लगायत सम्पुर्ण पदाध्यकारीनको कार्यकालको शुभकामना दइरहए निर्वाचन अधिकृत भट्ट ।