निबा राना/धनगढी, जेठ २६ । सुदूरपश्चिम प्रदेशमे इतबार आमहड्तालको घोषणा करि हए। कैलाली स्थित गेटामे सहिद दशरथ चन्द स्वास्थ्य विज्ञान विश्वविद्यालय सञ्चालनको माग करतए इतवार सुदूरपश्चिममे बन्दको घोषणा करि हए।
स्वास्थ्य विज्ञान विश्वविद्यालय स्थापना संघर्ष समिति शुक्र धनगढीमे पत्रकार सम्मेलनको आयोजना करतए नयाँ बिरोध कार्यक्रम सार्वजनिक
करतए सुदूरपश्चिम बन्दको घोषणा करि हए। संघर्ष समितिकाे संयोजक लोकराज पाण्डेय ‘आगीसे’ इतवार सुबेरे ८ से साँन्झा ६ बजेसम्म सुदूरपश्चिम प्रदेशकाे शैक्षिक, वित्तीय लगायतकाे संघ-संस्था और कलकारखाना, व्यापार औ यातायात पूर्ण रुपमे बन्द कर हए करके बताइ । उनके शुक्र सुदूरपश्चिमकाे उद्योगी, व्यापारी, और सार्वजनिक यातायातके सञ्चालक छलफल करके समेत बताइ रहए।
संघीय मन्त्रिपरिषद २०७९ मह २९ गते और जेठ ५ गतेको संघीय सरकारको नीति और कार्यक्रममे समावेश भओ सहिद दशरथ चन्द राष्ट्रिय स्वास्थ्य विज्ञान विश्वविद्यालय ६ सय श्ययामे सञ्चालन करनकाे माग करतए कैलालीमे प्रशर्दन जारी हए। उनके जेठ १५ गते संघीय संसदमे पेश भओ आगामी आर्थिक वर्ष २०८०-०८१ को बजेटमे गेटा प्रतिष्ठान निर्माण करके एक सय शैय्याको इक्लाे अस्पताल संचालन करनकाे घोषणा पछु बिरोध करतए आए हए।
