नीवा राना/धनगढी, बैशाख १९ । कञ्चनपुरकी दखिन्न क्षेत्रमे राहाे बेलौरी भन्सार नाका सञ्चालन करनके ताँही परराष्ट्रमन्त्री एनपी साउदके ज्ञापनपत्र बुझाइ हए। बेलौरी नगरपालिका सुम्मार बेलौरी पुगे परराष्ट्रमन्त्री साउद भन्सार नाका विस्तारको माग अगु बढान्रके ज्ञापनपत्र बुझाइ हए।
बेलौरी नगरपालिकाक प्रमुख पोतीलाल चौधरी मुख्य करके भन्सार नाका सञ्चालन, भारतीय एसएसबी बेलौरी नगरपालिका–८, पचुई स्थित हुलाकी सडक और बाेही सडकमे विद्युत विस्तारमे अवरोध पुगइ करके सडक और विद्युतको माग अगु बढान्नके संगए बेलौरीको सीमा विवाद खतम करनकाे विषयमे अगु बढान्न ज्ञापनपत्र बुझाइ करके बताइ।
बेलौरी नाका छोटी भन्सार हुइसे फिर भारत खजुरियामे नहुइके पारवहनमे समस्या हाेत हए। बेलौरी छोटी भन्सार फिर एक वर्षसे बन्द रहाे हए। बेलौरी छोटी भन्सार कैलाली भन्सार मातहत लए संगए २०७९ वैशाखसे कैलाली भन्सार ताला लगाएके कार्यालय बन्द करि हए ।
नगरपालिकासे दओ ज्ञापनपत्र बुझ्के परराष्ट्रमन्त्री एनपी साउद प्रधानमन्त्री भारत भ्रमणकाे समयमे बेलौरी नाका विस्तार, हुलाकी सडक विस्तार, विद्युत् विस्तारमे आओ समस्या सहित विविध सीमा समस्या निरूपणके ताँही भारत संग प्रस्ताव अगु बढान्र समाधान करन्रकाे वचन दैइ रहए करके मेयर चौधरी बताइ ।
