सिक्किममे भइ हिमखस्कलनसे सौनहा गाँवके पिता-पुत्रीकी मृत्यु

लखिमपुरिखिरि,२३ चैत ।
सिक्किममे मंगरकेरोज सबेरे भइ हिमखस्कलनकी चपेटमे लखिमपुरखिरि सौनहा गाँवके रहनबाले ३२ वर्षिय स्वास्थ्यकमी बालसिंह राना और उनकी ५ बर्षकी लौडिया रेब्या सिंह रानाक मृत्यु भइहए । स्वर्गिय राना स्वास्थ्य पर्यवेक्षक सामुदायिक स्वास्थ्य केंद्र (बीएचडब्ल्यु) के पदमे कार्यरत रहएँ । राना संग दुई और परिवार छुट्टी मनान सिक्किम गएरहएँ ।
सीएमओ कार्यालयमे कार्यरत रानाके संग उनकी लौडिया और घरवाली रेखा राना कानपुरके रहनबाले विल्हौर सीएचसीके बरिष्ठ लिपिक विक्रम सैनी, घरबाली प्रिया और लौडा अभिजीत सैनी और बहादुर नगरके रहनबाले वीएचडब्ल्यु शिवम सिंह अपने परिवारके संग एक अप्रैलके छुट्टी मनान सिक्किम गए रहए ।
गंगटोक को नाथु ला से जुडि जवाहरलाल नेहरु मार्गमे गओ मंगरकेरोज हिमखस्कलनसे सात जनीक मृत्यु भइहए । मरनबाले मैसे बालसिह राना और उनकी लौडीय हए । वीएचडब्ल्यु शिबम और विक्रम सिहके तिनौ परिवारके बचे सब जनी घायल हएँ । घायलभएनके गंगटोककी अस्पतालमे उपचार हुइरहो हए कहिके सस्थक उपाध्यक्ष अाेमप्रकाश राना जानकारी दइहएँ । मृत आत्माक चिरशान्तिक कामना करतय भगवानसे शोकसन्तप्त परिवारजनमे धैर्यधारण देनके शक्ति देवय हार्दिक संबेदना व्यक्त करिहएँ।
हादसाके पच्छु जब पताचलो तब सीएमओ कार्यालयसे लैके तिनौ कर्मियोके मोहल्ला और पुरो जिला सोकाकुलमे डुबोहए ।