धनगढी, १२ चैत । धनगढीक पत्रकार टेकसिंह धामीक मुण फुटानकी धम्की देनबलाे नेवि संघकाे कार्यकर्ता ओमप्रकाश अवस्थी थुनामुक्त भओ हए। शनिचारके राेज साँन्झाक जिल्ला प्रहरी कार्यालयमे पत्रकार महासंघकाे प्रदेश अध्यक्ष योगेश रावल, जिल्ला अध्यक्ष हिमालय जोशी समेत पत्रकार और नेवि संघकाे अध्यक्ष मनिष कुँवर सहित नेता छलफलमे अवस्थी गल्ति करि कहतय माफी मागके थुनामुक्त भओ हए।
जिल्ला प्रहरी कार्यालयकी अनुसार पत्रकार महासंघ कैलालीक अध्यक्ष जोशी रोहबर लिखित रूपमे समेत अवस्थी माफी मागी अबतक, धम्की और पत्रकार धामीक क्षति हाेन काेइ गतिविधि नकरनके प्रतिबद्वता जनाइ हए। जिल्ला प्रहरी कार्यालय अवस्थीके शुक्ररके पक्राउ करि करके बताइ फिरभी पत्रकार धामीके खबर नकरि करके हाजिरी जमानीमे छाेडि रहए।
पत्रकार महासंघको नेतृत्वम जिल्ला प्रहरी कार्यालय पुगके शनिचारके सुबेरे एसपी देवेन्द्र पालके भेट्करके पत्रकारके धम्की देनबलाे आदमी उन्मुक्ति देन कहतए विरोध जनाइ फिरपच्छु अवस्थीक पुनः थुनाम धारि रहए। नेवि संघकाे अध्यक्ष कुँवर सहित नेता अवस्थी गल्ती करि और अबसे बाे अइसि गल्ती नकरनकी छलफलकाे आग्रह करि पछु सन्झाके विद्यार्थी नेता और पत्रकार छलफलमे जुटेए रहए।
