कञ्चनपुर,२३ कातिक । रािष्ट्रिय जनगणना २०७८ के भव्य रूपमे सफल करन ताँहि हरेक जातजातिके सहभागि हाेन हए । “मेराे गणना , मेराे सहभागिता” के मुल नाराके संग २०७८ काे जनगणना सफल हाेन जएरहाे हए । जनगणना हरेक जाति सामुदायके ताँहि इतनाे जरूरीहए जितनाे जरूरी शरिरके ताँहि रगत ।
जनगणना एक प्रकारकाे एक्सरे हए , जासे काैन सामुदायकी आवस्था का हए सब स्पष्ट रूपसे तथ्यङमे उल्लेखित हाेबैगाे । पढाइ,लेखाइसे लइके शिक्षा, स्वास्थ्य,कृषि, पसुपालन,नाेकरी,व्यवसाय और वेराेजगारी सबय बिषय बस्तुक बारेम उल्लेख हाबैगाे । जैसीकी हमर शरिरमे काैनसाे राेग कहाँ पर लागाे हए पता लगान ताँहि डाक्टर हमर पुरी शरिरके एक्सरे करात हए ऐसी हए जनगणना ।
तहिक मारे सब जाति सामुदायके ताँहि बहुत जरूर हए । सुक्लाफाँटा और भिमदत्त नगर पालिकामे सचेतिकरण अभियान निभटाे कहिके अदिवासि जनजाति महासंघ सु.प. प्रदेश महासचिव राजकुमार राना हमके जानकारी दइहएँ । ऐसीकरके लालझाडी गाउपालिकामे कातिक २४ गते सबेरे १० बजे गाउके वडा अध्यक्ष,भलमन्सा और गाउके अगुवाके उपस्थितीमे कार्यक्रम हए कहिके नेपाल रानाथारू समाजके केन्द्रिय सदस्य गर्भु राना जानकारी कराइहए ।
बेलाैरी नगर पालिकामे सचेतिकरण अभियानके ताँहि नेपाल रानाथारू समाजकी टाेली कल प्रस्तान करन कहिके खबर मिलिहए ।
जनगणना सम्बन्धि थप अपडेटके बारेम जानकारी करात जामंगे ।
