धनगढी,२२ माघ २०७६।

रानाथारु भाषाको सिर्फ अकेलो , पहिलो अर्धबार्षिक पत्रिका “उजियो रानाथारु डटकम” नामक पत्रिकाको चौथो अंक जहे फागुन महिनामे रानाथारुनको बडो तिउहार होरी – २०७६ को उपलक्ष्यमे प्रकाशित होन जाए रहो हए । आँगनबारी मिडिया प्रा.लि. द्वारा संचालित रानाथारु भाषाको पहिलो वेवसाइड “ रानाथारु डटकम” औ “उजियारो रानाथारु डटकम” नामक अर्धबार्षिक पत्रिका समेत संचालन औ प्रकाशन करत आएरहो हए“ । बहुत जद्घि विश्वाव्यपकताके चुनौतिक सामना करत जातिय स्वभिमानके स्थापित करन एक हथियार कला संस्कृति होनसे जा के संरक्षण , संवर्धन औ सुचना प्रविधिके माध्यमसे प्रसारण पार्फत नेपालमे रानाथारु आदिबासीको सुचिकृतको अधार बनानके संगय समुदायमे व्यप्त विकृति , बेरोजगारी , अशिक्षा जैसे तमान चुनौतिको सामना करके सामुदायिक विकासको कल्पना करके जा संस्था विगत बर्षसे बहुत कार्यक्रम मार्फत अपन गतिबिधि करत आएरहो हए । समुदायके अवाज नेतृत्व , सरोकारबाला , जनता , समक्ष प्रस्तुत करत आएरहो हए कहेसे कला संस्कृति संरक्षण , प्रतिभा उजागर , ग्रमिण तथा सहरी सुचना समाचारके माध्यमसे सम्प्रेषण करत जनचेतनामुलक गतिबिधिनके निरन्तर करत आएरहो हए सयत सबके पता हुइहए । रानाथारु भाषा लिपिबद्घ करके दस्ताबेजके रुपमे सामुदायिक अवाज औ सम्प्रेषणमे उजियारो करत आएरहो हए । रानाथारु समुदायमे लोपोन्मुख रहे परम्पारा गित , ना“च , किंबदन्ती , पहिरन लगायत बहुत रितीसंस्कृति पुराने कलाकारनके खोज करके उनकी गाइभइ अडियो , भिडियो बनाइके प्रसारण करके डिजिटल संग्राहलयको परिकल्पना अनुसार कार्यक्रमके निरन्तरता देतआएरहे हएँ । इतका इकल्लो कहा“ रानाथारु जातिक सम्पूर्ण सकारात्मक गतिबिधीनके जोड देनके संगय विकृति विसंगतीनके न्युनिकरणके ताँहि गाँवके टोल बस्तिके आदमी , राजनैतिक अगुवा , भलमन्सानके बिचमे समन्वयकारी भुमिका निर्बाह तक करबात आएरहे हएँ । समाजिक संजाल मार्फत रानाथारु समुदायमे दबेभए अवाजके सरोकारबा पक्ष तक पुगान समुदायिक अवाजनके राष्ट्रियकरण करन नेपाली औ अंग्रेजी भाषामे फिर प्रकाशन , प्रसारण करन सुचना तथा संचार मन्त्रालयसे अनुमति लैके रानाथारु समुदाय सम्बन्धी अन्य भाषाीनके फिर रानाथारुको संस्कृति तथा भाषा सम्बन्धि गतिविधि दिखान औ सिखान प्रयत्न करतआए रहोहए । रानाथारु डटकम रानाथारुनको बहुत पक्षनके समेटतय विश्वाव्यापी बनात आएरहो जा संस्था मार्फत रानाथारु भाषाक आधुनिकता तथा परम्परागत गितनको अधिकारीकता लैके कलाकारनको बौद्घिक , रचनात्मक सम्पति सुरक्षणमे समेत काम करन हिसाबसे रानाथारु कलाकारको हौसला , प्रेरणा बढानको सामुदायिक एकता औ प्रसारणके ताँहि समन्वयकारी भुमिका निर्बाह करनको फिर कल्पना करेहएँ । जाके संगय खोजमुलक दस्ताबेजके ताँहि संघ संस्थनसे सहकार्य करके अपन गतिबिधिनके अगाडि बढानके प्रयत्न हुइरहो हए । तहिकमारे आपन सबयको साझा अभियानके सफल बनानके ताँहि तुम सबय शुभचिन्तक , लेखक, व्यापारी ,बुद्घिजिबी , राजनीतिकर्मी सबय से अपन होनियाँ सहयोग , लेखरचना , विचार ,गीत , गजल सहित्य ,विज्ञापन , शुभकामना , सरसल्लाह दैदेनके ताँहि हार्दिक अनुरोध करत हएँ । सम्पर्क व्यक्ति नन्दलाल राना – ९८४८४६३१७६ , नरायण राना – ९८४८४९३३७६ भक्तराज राना – ९८४८०७१८८ भनुप्रताप राना– ९८४८५६०९२६ मेसेन्जर ranatharu.com। ranatharuwa@gmail.com इमेल हमर ठेगाना ः धनगढी उपमहानगर पालिका ७ देवहरिया , कैलाली