जेम्स राना/ बेलाैरी, सामन ५ । बेलाैरी नगरपालिकाकाे वडा नं. ४ रिछहा गावँमे आज सामनकाे डाेला उद्घाटन कार्यक्रम सम्पन्न भओ हय ।

खास करके रानाथारु महिलनकी बडो तिउहार तीजकीे उपलक्ष्यमे आज बेलौरी नगरपालिका वडा नं. ४ के वडा अध्यक्ष श्री अर्जुन ढकाल सामनको डोला डोला उद्घाटन करी हयँ । कार्यक्रममे प्रमुख अतिथी रहे अध्यक्ष ढकाल रानाथारु दिदीबहिनियनके तीजको शुभकामना देत तीज तिउहार मनान तथा रानाथारुनको लोप होत जायरही कला और संस्कृति बचान ताहीं अपन वडा से फिर सहयोग करहौं कहिके कही हयँ ।

हरेक वर्ष कार्यक्रममे ४ नं. वडाके वडा सदस्य श्री शिवराज राना अपन तरफसे बहुत सहयोग करत आय हयँ । “तुम अपन संस्कृति बचाव, परम्परा अनुसार तीज तिउहार मनाबओ बक ताहीँ होनिया सहयोग हम करङ्गे ।” कहिके वडा सदस्य शिवराज राना ज्यु कहि हयँ ।