नरेश राना/कञ्चनपुर, साउन १ । कंचनपुरकि कृष्णपुर नगरपालिका वडा न.९ स्थित पिपरिया गाउँमे शिव युवा क्लबकी आयोजनामे औ जानकी सामुदायिक वन उपभोक्त समुहकी सहयोगमे सावनको डोला उद्घाटन कार्यक्रम सम्पन्न भओ हए ।

कार्यक्रममे प्रमुख अतिथी कृष्णपुर नगरपालिकाकि उप-प्रमुख द्रोपती राना, विशिष्ट अतिथी कृष्णपुर नगरपालिका वडा न.९ के वडा अध्यक्ष कैलाश बहादुर बलाएर, कृष्णपुर नगरपालिका वडा न.८ के वडा अध्यक्ष दिनेश खड्का, जानकी सामुदायिक वन उपभोक्त समुहके अध्यक्ष चन्द्र प्रकाश भट्ट, अतिथी पिपरीया सव-डिभिजन कार्यालय प्रमुख नवीन सिंह, गाउँके भलमन्सा बुद्धिजीवी, समाजसेवी, सम्पुर्ण गाउँके आदमी, युवा क्लबका सदस्य, अतिथीको उपस्तिथिमे और शिव युवा क्लबके अध्यक्ष रमेश रानाकी अध्यक्षतामे कार्यक्रम सम्पन्न भओ हए ।

कार्यक्रममे कृष्णपुर नगरपालिका की उप-प्रमुख द्रोपती राना सावनको डोला उद्घाटन करी रहएँ । कार्यक्रममे दिदिबहिनी मिलके आफ्नो सावनको लोक गित फिर पनि गइरहएँ ।

सावन महिनामे रानाथारु तीज पर्व मनात हएँ । प्रमुख अतिथि राना तीज की बारेमे गजबसी बात बताई और कार्यक्रमकी सफल हाेबए औ सबएके तीजकी शुभकामना दैहएँ ।