जेम्स राना / बेलौरी, असार ३० । पुनर्वास नगरपालिका १० से ईलाका प्रहरी कार्यालय त्रिभुवनवस्तीकी टोली ५० क्वीन्टल मल लावारिस अवस्थामे पाई हय ।

भारत से भन्सार छलके लातय ५० क्वीन्टल मल बरामद करी हय। बिस्पतबारके ईलाका प्रहरी कार्यालय त्रिभुवनवस्तीके प्रहरी निरिक्षक नरेशराज मल्लकी टोली भन्सार छलके लातपेती मल बरामद करी हय । भारतसे कृष्णपुरघैन लैजातय से २ त २३७० नम्बरकी टिकटरमे पुनर्वास नगरपालिका १० की दोंदा पुलमे चेकजाँच करनपेती मल बरामद भओ ईलाका प्रहरी कार्यालय पुनर्वासके प्रहरी निरिक्षक नरेशराज मल्ल बताई हयँ ।
बरामद मल करिब १ लाख २० हजार मुल्य बराबरको ५० किलोकी १०० बोरी टिकटरमे चेकजाँच करतपेती पाई हयँ कहिके मल्ल बताई हयँ । थप कारवाहीके ताहीँ नियन्त्रणमे लई गाडीके त्रिनगर भन्सार कार्यालय कैलालीमे पठाई हय कहिके फिर निरिक्षक मल्ल बताई हयँ ।