जेम्स राना/ कञ्चनपुरमे बिजली पडके थप एक आदमीकी मृत्यु भई हय और दई घायल भय हय । आज सबेरे पुनर्वास नगरपालिका–६ देबेन्द्र श्रेष्ठकी मृत्यु खेतमे काम करत पेती भई रहय ।
अईसी थप एक आदमीकी मृत्युकी खबर प्राप्त भई हय । पुनर्वास नगरपालिका–८ क गाउँकी २५ बर्षकी शारदा थापाकी खेतमे काम करत पेती बिजली पडके मृत्यु भई हय कहिके ईलाका प्रहरी कार्यालय त्रिभुवनवस्तीके प्रमुख प्रहरी निरिक्षक नरेश मल्ल बताई हयँ । और बेलौरी नगरपालिका–९ की ३० बर्षकी बधिया राना बिजली पडके घायल भई हय । बेलौरीकी ईसान मेमोरियल अस्पतालमे ईलाज हुईरहो हय कहिके ईलाका प्रहरी बेलौरी से बताई हय । सबेरे मेहे बरसनको क्रममे बिजली पडके लालझाडी–१ की १० वर्षिय अमृता रानाकी पुरी शरिर जर गई हय । अमृताकी अवस्था देखके बक अईआ सुनिता राना फिर बेहोस अवस्थामे रहय, दोनौ जनैके ईलाजके ताहीं धनगढी अस्पताल लइगय हयँ कहिके स्थानीय छुट्टन राना बताई हयँ ।