जेम्स राना/कञ्चनपुर, जेठ २१ । नेपाल रानाथारु समाज कञ्चनपुरको आयोजना मे नव निर्वाचित प्रतिनिधिनके सम्मान तथा बधाई ज्ञापन कार्यक्रम आज सम्पन्न भव हए।

कार्यक्रम बेलौरी नगरपालिका वडा नं ५, भकुण्डाको कालेश्वर महादेव मन्दिर को सभाहलमा नेपाल रानाथारु समाज कञ्चनपुर के अध्यक्ष श्री प्रेमवती राना कि सभापतित्वमे कार्यक्रम सम्पन्न भव रहय अइसि प्रमुख अतिथीमे नेपाल रानाथारु समाज कञ्चनपुर के पुर्व अध्यक्ष माननीय सभासद श्री कृपाराम राना रहयँ । कार्यक्रमके विशिष्ट अतिथि भिमदत्त नगरपालिका के प्रमुख पदम बोकटी, पुनर्वास नगरपालिका के प्रमुख तोयानाथ शर्मा तथा बेलडाँडी गाउँपालिका के प्रमुख हरिचन्द्र राना सबय अपन अपन तरफ से रानाथारु सङ्ग्रहालय को निर्माण कार्यमे जोडतोडसे लागङ्गे कहिके बताइ हयँ ।

कार्यक्रम मे नेपाल रानाथारु समाज कञ्चनपुर के अध्यक्ष श्री प्रेमवती राना तथा माननीय सभासद श्री कृपाराम राना द्वारा कञ्चनपुर जिल्लाके सबय नगरपालिका तथा गाउँपालिका के प्रमुख, उपप्रमुख और रानाथारु प्रतिनिधिनके सम्मान तथा बधाई दव गव हय।कार्यक्रम मे भिमदत्त नगरपालिका के प्रमुख पदम बोकटी कहि ” मोसे पदम राना फिर कहसकत हव काहे कि मय जलमत से रानाथारु समुदायमे पलो बढो हवँ ” ।

बे रानाथारुनके घरमे मिसौला, सिमहि और नुन रोटी खाए भय हयँ कहिले फिर बताइ हयँ।नव निर्वाचित प्रतिनिधिनके सम्मान तथा बधाई कार्यक्रम के सङ्ग सङ्गय रानाथारु भल्मन्सा और भर्रा को जिल्ला समिति गठन फिर भव हय।