शुक्रराज राना/ बेलाैरी २०, भादाै । आज मानव बेचबिखन विरुद्धको सोलौं राष्ट्रिय दिवश कञ्चनपुरकी बेलौरीमे फिर चेतनामुलक कार्यक्रम करके मनाई हयँ । खास करके मानव बेचबिखन बिरुद्धमे बहुत अभियान चलातय आओ संस्था शान्ति पुनर्स्थापना गृहकी और बहुत सामाजिक संस्थाकी संयुक्त आयोजनामे आज मानव बेचबिखन विरुद्धको सोलौं राष्ट्रिय दिवश मनाओ गौ हय ।

मानव बेचबिखन और ओसारपासारकी नियन्त्रणमे लगो शान्ति पुनर्स्थापना गृह, शिक्षण संस्था, सुरक्षा निकाय और नगरपालिकाको महिला तथा बालबालिका शाखाके प्रतिनिधि लगायत बिद्यार्थीनकी उपस्थितिमे आज मानव बेचबिखन और ओसारपासारकी बिरुद्धमे पर्चा, पम्पलेट लैके नारा लगातय बेलौरी बजार परिक्रमा करि रहयँ ।

अईसी करके बेलौरीकी महाकाली माध्यमिक बिद्यालयमे कोणसभा करके बेचबिखन तथा ओसारपसारकी अवस्थाकी बारेमे शान्ति पुनर्स्थापना गृह सम्पर्क कार्यालयकी प्रतिनिधि नितु बिष्ट बताई रहयँ ।