धनगढी १५ सावन । सुदुरपश्चिममे खास तिजतिउहार, पर्व, परमपरा भाषा,कला संस्कृति जा प्रदेशको पहिचान हए बताई । सुदुरपश्चिमके कैलाली और कंचनपुरमे बैठनबारे रानाथारु समुदायक तीज पर्वके अबसरमे शुभकामना सन्देश दइहएँ पुर्व वन तथा वातावरण मन्त्री माननिय नारदमुनि राना । सन्देशमे कहि माननिय राना रानाथारु सामुदायको विशेष तिज पर्व को उपलक्ष्यमे सबय ददाभइया/दिदीबहिनीयाँमे हार्दिक मंगलमय शुभकामना ।और कहि संस्कृतिके धनी मौलिक पहिचान, कैलाली कंचनपुर जिल्लामे रहनबारे प्रमुख आदिवासी जनजाती रानाथारु सामुदायको परम्परागत हिसाबसे मनात आओ खास करके रानाथारु महिलाको विशेष और साँस्कृतिक, सामाजिक, धार्मिक पर्व रानाथारु तीजको पावन अवसरमे कैलाली कंचनपुर लगायत भितर रहन बारे सबए ददा भइया दिदी बहिनीयाँ लगायत सबए रानाथारु सामुदायके उत्तरोतर प्रगति, शुस्वास्थ्य, शान्तिको शुभकामना सहित आजके दिन पडो जा गौरबमय तिज पर्वको हार्दिक मंगलमय शुभकामना ब्यक्त करत हएँ ।

रानाथारु समुदायक खास बिशेषता भाै ‘ तीज पर्व‘ और समुदायसे थाेरी फरक तरिकासे रानाथारु समुदायकी दिदी बहिनी मनानत हएँ । जा पर्वमे खासकरके रानाथारु दिदीबहिनी आफ्नो भाइय भतिजाेक लम्बि उमरकी दिर्घायुके ताँहि व्रत बैठत हएँ ।

तीज पर्व १५ दिन अग्गुसे डाेला डारके दिदी बहिनीयाँ अपन मौलिकतामे विशेषता भइ गीत गएके डाेला डाेलके मनतहए और शुक्ल तृतियक दिनमे जाइके दिदी बहिनीयाँ बर्त बैठके पाेहत हए किहके नेपाल रानाथारु समाजके केन्द्रिय उपाध्यक्ष कमल सि‌ह राना बताइ हएँ ।