जेम्स राना/ बेलौरी, सामन १४ । बेलौरी नगरपालिकाको वडा नं. ३ पडाव गावँमे आज रानाथारु महिलनको महान पर्व तीज बिशेष कार्यक्रम सम्पन्न भव हय ।

कौशल्या रानाकी सभापतित्वमे कार्यक्रम बहुत बढिया से सम्पन्न भव हय । कार्यक्रमके प्रमुख अतिथि बेलौरी नगरपालिकाके उप-प्रमुख जोगराम चौधरी अपन मन्तव्य धरतय रानाथारु महिलनके सुख, समृद्धि और दिर्घायुको कामनाके साथ बहुत बहुत शुभकामना दइ हयँ ।

अइसी कार्यक्रमके प्रमुख अतिथि बेलौरी नगरपालिका वडा नं.३ के अध्यक्ष सिताराम रिजाल, विशिष्ट अतिथि ने.क.पा. एमालेके नेता पल्लवराज भट्ट, बेलौरी नगरपालिकाकी न्यायिक समिति के सदस्य हर्क भुल और अतिथि बम बहादुर राना सहित सबय पाहुना अपन अपन तरफ से रानाथारु को तीज, गोरी लगायत और सँस्कृति संरक्षण सबय मिलले करन जरुरी हय कहतय शुभकामना व्यक्त करी हयँ ।

आयोजक समिति कार्यक्रममे आए पहुननके दोसल्ला उढाएके स्वागत करी रहयँ और सिमही-पुरी खबाएके पहुननके सँग तीज बिशेष कार्यक्रम सफल करी हयँ।