जेम्स राना, कञ्चनपुर ११ सामन । कञ्चनपुरकी बेलौरी से काठमाडौंक ताही कल मंगरबारके दिन दुपहारके १ः०० बजे छुटी ना ५ ख ५१०० नम्बरकी बस आज सबेरे ५ः०० बजे अचानक अनियन्त्रित हुईके सडककी किनारे पलटके आगी लगि रहय ।

दाउन्नेमे बस पलटके आगी लगके ३६ जनै घायल भए हयँ । बे मैसे २१ जनै पुरानो मेडिकल कलेज भरतपुर चितवनमे ईलाज होयरहो हय कहिके नवलपुरके प्रहरी नायव उपरिक्षक सन्तोष पाठक जानकारी दई हयँ ।

बसके मालिक और चालक करके २ जनैकी ईलाज नयाँ मेडिकल कलेज भरतपुर चितवनमे हुईरहो हय । और घायल औ सामान्य चोट लगे मिलाएके १३ जनैको मध्यबिन्दु अस्पतालमे ईलाज करोगौ हय कहिके पुलिस बताई हयँ । बस पुरो जरनसे पहिले सबय यात्रुनके बस मैसे निकार डारी रहयँ तभी आगी जद्धा नोक्सान हुईपाई पर सामान रहय बा सब जरके नष्ट हुईगौ कहिके पुलिस जानकारी दै हयँ ।