नरेश राना/कृष्णपुर, ९ सामन । कृष्णपुर नगरपलिकामे रानाथारू समुदायकाे सामनकी डाेलक ताँहि ९औं वडामे २८ थान बरहा वितरण करिहए।

रानाथारू समुदायकाे दुसराे वडाे तिहार तिज हए। जा पर्वके मध्य नजर करतए कृष्णपुर नगरपालिकाके मेयर हेमराज ओझा और उपमेयर द्राेपती राना सामनकाे डाेलक ताँहि बरहा वितरण करिहएँ।

कृष्णपुर नगरपालिका भितर ९औं वडा हएँ, ९औं वडामे २८ थान बरहा वितरण करि रहएँ। जे बरहा भलमन्साके जिम्मामे दए हएँ करके उपमेयर राना बताइ हएँ। रानाथारू समुदायक तिज पर्व सामन १५ गते इतबार दिन हए ।